Vałavy ŭnutrany pradukt Biełarusi ŭ studzieni—červieni źniziŭsia na 2,5% u paraŭnańni z anałahičnym pieryjadam minułaha hoda. Pavodle infarmacyi BiełaPAN, u hrašovym vyražeńni VUP skłaŭ 44,2 młrd. denaminavanych rubloŭ.
Asnoŭny admoŭny ŭpłyŭ na dynamiku VUP u pieršym paŭhodździ, jak śviedčać statystyčnyja źviestki, rabiła pramysłovaść.
U studzieni—červieni abjom pramysłovaj vytvorčaści skłaŭ 38,7 młrd. rubloŭ i źniziŭsia na 1,6% u paraŭnańni z anałahičnym pieryjadam minułaha hoda.
Nahadajem, pavodle prahnozu, jaki raniej zaćvierdziŭ urad, čakałasia, što ŭ pieršym paŭhodździ budzie zabiaśpiečany rost VUP Biełarusi na 0,1%. Mierkavałasia, što pavodle vynikaŭ 2016 hoda ekanamičny rost składzie 0,3%, adnak, niahledziačy na admoŭnuju dynamiku hetaha pakazčyka ŭ pieršym paŭhodździ, aficyjny prahnoz nie pierahladaŭsia.
Mižnarodnyja finansavyja instytuty, jakija źjaŭlajucca klučavymi kredytorami Biełarusi, prahnazujuć, što VUP krainy na praciahu 2016 hoda budzie zastavacca ŭ admoŭnaj zonie. Tak, Jeŭrazijski bank raźvićcia, jaki vydzieliŭ Biełarusi ŭ sakaviku novy kredyt, čakaje, što ekanamičny spad u krainie składzie 1,9% ŭ 2016 hodzie.
Mižnarodny valutny fond, ź jakim biełaruskija ŭłady praciahvajuć pieramovy ab atrymańni novaha kredytu, prahnazuje, što VUP Biełarusi ŭ 2016 hodzie źnizicca na 3% i ŭ 2017-m recesija ŭ krainie, chaj i mienš značnaja, praciahniecca. Pavodle acenak MVF, vałavy ŭnutrany pradukt u nastupnym hodzie moža źnizicca na 0,5%.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j8
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary