U sieradu ranicaj u Kijevie ŭ vyniku vybuchu mašyny zahinuŭ viadomy žurnalist, zasnavalnik «Biełaruskaha partyzana» Pavieł Šaramiet.
Pavodle infarmacyi «Ukrainskaj praŭdy», mašyna ŭzarvałasia na rahu vulicy Bahdana Chmialnickaha i Ivana Franka nasuprać restarana «MakDonalds».
Mašyna, što ŭzarvałasia, naležała kiraŭnicy «Ukrainskaj praŭdy» Alenie Prytule, ale jaje ŭ mašynie nie było.
Šaramiet i Prytuła byli ŭ blizkich adnosinach.
Nahadajem, što ŭ svoj čas asoby, blizkija da prezidenta Ukrainy Leanida Kučmy, vykryli i zabili zasnavalnika «Ukrainskaj praŭdy» Hieorhija Hanhadze.
«Ukrainskaja praŭda» — internet-ŚMI numar 1 va Ukrainie. Jana aktyŭna pravodzić žurnalisckija rasśledavańni, što vykryvajuć karupcyju ŭ biznesie i ŭładach.
Vybuch adbyŭsia u 7:45 ranicy, kali Šaramiet vyjechaŭ z domu i prajechaŭ niekalki dziasiatkaŭ mietraŭ.
Da pryjezdu ratavalnikaŭ žychary Kijeva dastali Paŭła Šaramieta z uzarvanaha aŭtamabila i sprabavali akazać jamu pieršuju dapamohu. Aściarožna, žorstkaje videa, 18+:
Na miesca prybyła palicyja, u tym liku jaje kiraŭnica Chacija Dekanaidze asabista.
Žachliva trahiedija u Kijevi
Šok – inšich śliv niemaje
Znav Pavła osobisto. Śpivčuvaju usim ridnim ta bliźkim pic.twitter.com/ZLVRpHSvLT
.@poroshenko Doručiv pravoochorońnim orhanam niehajno rozśliduvati ciej złočin. Vińni majuť buti pokarani
Paŭłu Šaramietu było 44 hady. Jon naradziŭsia 28 listapada 1971 hoda ŭ Minsku. U 1998 hodzie žurnalist pačaŭ pracavać śpiecyjalnym karespandentam prahramy «Naviny» na rasijskim kanale ORT (ciapier — Pieršy kanał). Za repartaž pra dzirki na biełaruska-litoŭskaj miažy byŭ aryštavany biełaruskimi ŭładami i vyjšaŭ na volu tolki paśla asabistaha ŭmiašańnia prezidenta Rasii Barysa Jelcyna.
U studzieni 1999 hoda Pavieł Šaramiet zaniaŭ pasadu šef-redaktara rasijskaj i zamiežnaj karespandenckaj sietki dyrekcyi infarmacyjnych prahram telekanała, byŭ viadučym štotydniovaj analityčnaj prahramy «Vriemia». Z 2000 hoda zajmaŭsia stvareńniem dakumientalnych filmaŭ i śpiecprajektaŭ dla infarmacyjnych prahram «Pieršaha kanała». Pakinuŭ telekanał u 2008 hodzie.
Apošnim časam Šaramiet pracavaŭ jak na biełaruskija, tak i na ŭkrainskija i rasijskija ŚMI.
Z 2011 hoda jon žyŭ u Kijevie, pracavaŭ u «Ukrainskaj praŭdzie», byŭ viadučym na radyjo «Vieści». Aproč taho, jon pa-raniejšamu kiravaŭ «Biełaruskim partyzanam» i pisaŭ u maskoŭski «Ohoniek».
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie22
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie2
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary