Śledstva pa spravie ab zabojstvie žurnalista Paŭła Šaramieta schilajecca da viersii, što metaj złačyncaŭ byŭ mienavita jon.
Pra heta paviedamlaje ŭkrainski sajt Zn.ua sa spasyłkaj na krynicu ŭ pravaachoŭnych orhanach.
Da takoha vyvadu schilaje papiaredniaja infarmacyja, atrymanaja śledčaj hrupaj u pracesie pieršasnych daśledavańniaŭ cieła i aŭtamabila zahinułaha.
«Raźlik byŭ dakładny i pravilny. Vybuchoŭki było zakładziena roŭna stolki, kab chapiła tolki dla kiroŭcy, i nie začapiła nikoha pobač. Kali b vybuchovaja chvala pajšła ŭniz, jaje b istotna zahasiła ziamla, ale jana pajšła ŭvierch i naleva. Heta było palavańnie vyklučna na achviaru zabojstva», — skazaŭ surazmoŭca.
«Kali b u mašynie byli pasažyry, to jany, chutčej za ŭsio, vyžyli b. Heta śviedčyć ab tym, što raźlik byŭ asabliva na paražeńnie miesca kiroŭcy, a nie na źniščeńnie ŭsioj mašyny», — dadaŭ jon.
Pa słovach krynicy, sudmiedekśpierty ŭžo skončyli pracu nad ciełam zahinułaha žurnalista i zrabili vysnovy, što śmierć zdaryłasia ŭ vyniku niesumiaščalnych z žyćciom traŭmaŭ i straty kryvi.
«Minna-vybuchnaja traŭma, śmierć nastupiła ad vialikaj chutkaj i krytyčnaj dla žyćcia (adna—dźvie chviliny) straty kryvi i šoku. Šancaŭ nie było», — skazaŭ surazmoŭca.
Kamiera videanazirańnia zafiksavała momant zakładańnia vybuchoŭki pad aŭtamabil, u jakim zahinuŭ žurnalist Pavieł Šaramiet, paviedamlaje vydańnie.
«Adna z kamier zafiksavała momant zakładańnia vybuchoŭki pad mašynu Aleny Prytuły ŭ noč z 19 na 20 lipienia», — dadaje vydańnie.
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary