Pakazčyki hłabalnaj tempieratury bjuć novyja rekordy: pa dadzienych navukoŭcaŭ, 2016 hod moža stać samym haračym za ŭsiu historyju nazirańnia. Siaredniaja tempieratura pieršaha paŭhodździa na 1,3 hradusa pa Celsii pieravyšaje daindustryjalnyja pakazčyki kanca XIX stahodździa. Pra heta paviedamlaje pres-centr AAN.
«Havorka idzie nie pra pakazčyki, vyšejšyja za siaredni, — tłumačyć Devid Karłsan z Suśvietnaj mietearałahičnaj arhanizacyi (SMA). — My havorym pra pakazčyki, jakija pieravyšajuć usie zarehistravanyja raniej rekordy. U pieršym paŭhodździ my pieraŭzyšli ich. My nazirajem skačok i ŭ tempieratury pavietra, i ŭ źmieście vuhlakisłaha hazu ŭ atmaśfiery, pakazčyki jakoha značna pieravysili našy čakańni, i ŭ chutkaści rastavańnia arktyčnych lednikoŭ».
Vysnovy ab rezkaj źmienie klimatu vykładzieny adrazu ŭ dvuch niezaležnych adzin ad adnaho dakładach, padrychtavanych śpiecyjalistami akijaničnaha i atmaśfiernaha ŭpraŭleńnia ZŠA i Instytuta kaśmičnych daśledavańniaŭ imia Hodarda ŭ NASA.
Siaredniaja tempieratura paśladoŭna raście. Červień staŭ 14-m miesiacam u čaradzie, u jakich pabityja rekordy. Nižej za siarednija pakazčyki XX stahodździa tempieratura apošni raz apuskałasia ŭ śniežni 1984 hoda.
«Kožny miesiac prynosić nam novyja rekordy. My nazirajem hetuju tendencyju dziesiacihodździami, — kaža kiraŭnik SMA Pietery Taałas. — U 2015/2016 hodzie pakazčyki źmieny klimatu dasiahnuli novych rekordaŭ na fonie mahutnaha fienomienu El-Nińjo».
«Hłabalny nahravalnik» El-Nińjo skončyŭsia, adnak parnikovyja hazy praciahvajuć akazvać upłyŭ na nadvorje, papiaredžvajuć navukoŭcy. Pa ich prahnozach, u suviazi z rezkim źmianieńniem klimatu budzie raści kolkaść pryrodnych kataklizmaŭ — trapičnych cykłonaŭ, pieryjadaŭ nievynosnaj śpiakoty i praliŭnych daždžoŭ.
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary