Byłuju parachaŭnicu ŭ Bieraści płanujuć pieratvaryć u šoŭ-rum FOTA
Krapasny parachavy sklep u Bieraści, što mieścicca praz darohu nasuprać uvachodu ŭ muziej «Čyhunačnaj techniki», u chutkim časie moža pieraŭtvarycca ŭ šoŭ-rum. Ideja reanimavać žyćcio na abjekcie naležyć miascovamu dabračynnamu fondu «Fartyfikacyja Bieraścia».
Padrabiaznaściami dzielicca dyrektar arhanizacyi Andrej Varabiej:
— Ja b nie skazaŭ, što heta budzie muziej. Heta budzie, chutčej, turystyčny šmatprofilny abjekt. Akramia tradycyjnaj muziejnaj ekspazicyi, tut płanujecca zrabić interaktyŭ u vyhladzie strałkovaha ciru, arhanizavać mahčymaść pieraapranucca ŭ vajskovuju formu, sfatahrafavacca ŭ interjery, to bok, jak heta kažuć, stvaryć zahłybleńnie ŭ epochu.
Sama parachaŭnica była zbudavana naprykancy XIX stahodździa i nasiła abarončy charaktar, tamu i ŭznoŭleny interjer budzie suhučny eposie. Adnak što da mierapryjemstvaŭ i kaściumaŭ, to časavymi pieryjadami tut abmiažoŭvacca nie buduć. Užo na 28 lipienia, datu śviatkavańnia «Dnia horadu», zapłanavanyja pieršyja mierapryjemstvy la parachaŭnicy.
Kamientary