Teraryzm, jaki naličvaje bolš za 30 000 bajevikoŭ z kala 100 krain pa ŭsim śviecie, źjaŭlajecca hłabalnaj pahrozaj, jakaja patrabuje ŭsioabdymnaha i adzinaha adkazu.
Pra heta zajaviŭ kiraŭnik Vykanaŭčaha dyrektarata Antyterarystyčnaha kamiteta AAN Žan-Pol Łabarde na pres-kanfierencyi ŭ Ńju-Jorku, paviedamlaje Centr navin AAN.
«Niama sumnieńniaŭ u tym, što pahroza teraryzmu zastajecca stałaj i, na žal, ustojlivaj, jak heta było prademanstravana ŭ mnohich miescach», — skazaŭ Łabarde, dadaŭšy, što krainy nie ŭ stanie zmahacca z hetaj źjavaj u adzinočku.
Jon adznačyŭ, što choć terytoryja ID i jaje vajennaja siła skaracilisia ŭ apošnija miesiacy, hrupoŭka stała «realnaj terarystyčnaj arhanizacyjaj».
Pavodle jaho słoŭ, tolki padčas miesiaca Ramadan sioleta ID zmahła «ažyćciavić abo natchnić» na ažyćciaŭleńnie minimum 393 napadaŭ u 16 krainach. Bolšaść ź ich adbyłasia ŭ Iraku i Siryi.
Łabarde padkreśliŭ, što dla pieraadoleńnia teraryzmu nieabchodnaje abjadnańnie mižnarodnych namahańniaŭ nie tolki na ŭzroŭni siłavych struktur, ale i z hramadzianskaj supolnaściu.
U suviazi z hetym jon adznačyŭ, što palicejskija siły pavinny palepšyć raźviedku za košt palapšeńnia adnosin z supołkami, jakija mohuć matyvavać ludziej paviedamlać uładzie pry ŭźniknieńni padazronych dziejańniaŭ.
«My nie budziem — jak univiersalnaja supolnaść u cełym — my nie budziem u stanie efiektyŭna procidziejničać teraryzmu biez padtrymki nie tolki ŭrada, ale i hramadstva. Heta hramadstva, jakoje źjaŭlajecca asnovaj dla supraćstajańnia žachlivym aktam, nakiravanym suprać hramadzianskich asob», — skazaŭ Łabarde.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ2
Kamientary