Uładalniki ahrasiadzibaŭ pavinny buduć ciaham troch hadzin infarmavać milicyju ab pryjomie zamiežnikaŭ
Alaksandr Łukašenka padpisaŭ zakon «Ab uniasieńni źmianieńniaŭ i dapaŭnieńniaŭ u niekatoryja zakony Respubliki Biełaruś pa pytańniach vymušanaj mihracyi», paviedamlaje pres-słužba kiraŭnika dziaržavy.
Zakonaprajekt byŭ pryniaty Pałataj pradstaŭnikoŭ 28 červienia hetaha hoda i ŭchvaleny Savietam Respubliki Nacyjanalnaha schodu Biełarusi 30 červienia.
Za vyklučeńniem asobnych pałažeńniaŭ zakon nabyvaje moc 1 lipienia 2017 hoda.
Tak, z 1 kastryčnika 2017 hoda źmianiajecca z adnych sutak da troch hadzin termin, na praciahu jakoha arhanizacyi, subjekty ahraekaturyzmu i indyvidualnyja pradprymalniki, što dajuć žyłyja pamiaškańni dla pražyvańnia inšaziemcam, jakija časova znachodziacca ŭ Biełarusi, abaviazanyja infarmavać orhany ŭnutranych spraŭ ab takich inšaziemcach. «Hetaja źmiena skiravanaja na arhanizacyju nacyjanalnaj biaśpieki, vyjaŭleńnie asob, jakim zabaronieny ŭjezd u Biełaruś, a taksama jakija znachodziacca ŭ mižnarodnym vyšuku», — havorycca ŭ paviedamleńni pres-słužby.
Tam adznačajuć, što «pałažeńni zakona skiravanyja na aptymizacyju pracedur davańnia statusu biežanca, dadatkovaj abarony i prytułku ŭ Respublicy Biełaruś, a taksama aktualizacyju mihracyjnaha zakanadaŭstva z ulikam praktyki jaho prymianieńnia i patrabavańniaŭ mižnarodnych dahavoraŭ, udzielnicaj jakich źjaŭlajecca Biełaruś».
U pryvatnaści praduhledžvajecca ŭdaskanaleńnie paradku davańnia prytułku. Uvodzicca adzinaja pracedura pryjomu i razhladu chadajnictva ab davańni statusu biežanca, dadatkovaj abarony i prytułku ŭ Biełarusi, u vyniku čaho budzie skaročany termin razhladu zajaŭ inšaziemcaŭ, jakija vykazali žadańnie skarystacca abaronaj. Jak praviła, jon nie budzie pieravyšać paŭhoda.
Inšaziemcy, jakim dadzieny prytułak u Biełarusi, nadzialajucca takimi ž pravami, jak i tyja, jakim dadzieny status biežanca.
Akramia taho, u adpaviednaści z zakonam orhany pahraničnaj słužby nadzialajucca paŭnamoctvami pa pryjomie ad inšaziemcaŭ, jakija znachodziacca ŭ punkcie propusku cieraź dziaržaŭnuju miažu i nie majuć dziejnych dakumientaŭ dla ŭjezdu ŭ Biełaruś, chadajnictvaŭ ab davańni statusu biežanca, dadatkovaj abarony i prytułku ŭ Biełarusi.
Ciapier čytajuć
Aryštavali byłoha pamočnika Michaiła Miaśnikoviča10
Aryštavali byłoha pamočnika Michaiła Miaśnikoviča
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary