Kala 60% lichtaroŭ u Minsku zapalvajuć z dapamohaj sim-kartak
Bolš za 60 tysiač lichtaroŭ u stalicy (kala 60% ad ahulnaj kolkaści) kirujucca z dapamohaj mabilnaj suviazi praz admysłovyja sim-karty velcom. Takuju infarmacyju raspaŭsiudzili kampanija velcom i UP «Minharśviatło».
«Razumnyja lichtary» aśviatlajuć usie rajony Minska, na ich pierajšli jak u centry horada, tak i ŭ spalnych rajonach. Mabilnaja suviaź taksama vykarystoŭvajecca dla kiravańnia vuličnym śviatłom uzdoŭž bujnych mahistralaŭ, u tym liku ŭzdoŭž trasy da Nacyjanalnaha aeraporta Minsk. Takim ža čynam kantralujuć i viačerniaje padśviatleńnie budynkaŭ na bolšaści vulic stalicy.
Pracuje intelektualnaje aśviatleńnie padobna sistemie «razumny dom». Usie lichtary padklučanyja da padstancyj, a kali dakładniej — nievialikich kantroleraŭ, u jakich ustanoŭlenyja sim-karty. Dziasiatki datčykaŭ źbirajuć infarmacyju ab rabocie vuličnaha lichtara, jakaja praz kantroler i sietku velcom pieradajecca ŭ sistemu. «Razumnyja lichtary» ŭ režymie realnaha času apaviaščajuć apierataraŭ ab usich incydentach. Naprykład, dyśpietčar adrazu daviedvajecca, kali źnikła napružańnie, uźnikli prablemy z akumulataram abo ŭzłamanyja dźviercy padstancyi. Hetak ža apieratyŭnaja i zvarotnaja suviaź: ramontnaja bryhada adrazu vyjazdžaje na likvidacyju niepaładak.
«Razumnyja lichtary» źjavilisia ŭ stalicy dziakujučy supracoŭnictvu UP «Minharśviatło» i kampanii velcom.
Ahulnaja kolkaść vuličnych lichtaroŭ u Minsku pieravyšaje 100 tysiač, pryčym štohod ich kolkaść raście na 10-15%.
-
«Leha» abviaščaje revalucyju: prezientavanaja sistema, jakaja ažyŭlaje kubiki biez smartfonaŭ. Voś jak jana pracuje i kolki kaštuje
-
Mask płanuje stvaryć na kalaziamnoj arbicie sapraŭdnaje suzorje centraŭ apracoŭki danych. Rasija zaniepakojenaja
-
Apple nabyła sakretnuju izrailskuju technałohiju sčytvańnia mimiki
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary