Sud Centralnaha rajona Minska na pasiadžeńni 30 maja admoviŭ hałoŭnamu redaktaru spartyŭnaj haziety «Priessboł» Uładzimiru Bieražkovu ŭ zadavalnieńni isku da haziety «Sportivnaja panorama» i dyrektara NDI fizkultury i sportu Alaksandra Bondara.
Iściec prasiŭ sud spahnać z adkazčykaŭ 50 młn. rubloŭ kampiensacyi za naniesienuju maralnuju škodu i dziaržpošlinu ŭ 105 tys. rubloŭ.
Padstavaj dla zvarotu U. Bieražkova ŭ sud stała intervju A. Bondara «Siensacyja druhoj śviežaści», apublikavanaje ŭ «Sportivnoj panoramie» 14 sakavika. Pavodle słoŭ istca, dyrektar NDI «pryvioŭ fakty, što nie adpaviadajuć sapraŭdnaści», źnievažajuć jaho honar, hodnaść i prynižajuć jaho dziełavuju reputacyju. U. Bieražkoŭ prasiŭ sud abaviazać adkazčykaŭ abvierhnuć słovy: «U 1996 hodzie, kali Ryžankova nie stała, paśla hulniaŭ u Atłancie prachodziŭ Alimpijski schod. Bieražkoŭ paprasiŭ prabačeńnia za žorstkuju krytyku hetaha čałavieka, pryznaŭšy častkova svaju vinu ŭ jaho śmierci». (Uładzimir Ryžankoŭ źjaŭlaŭsia ministram sportu i turyzmu, prezidentam Nacyjanalnaha alimpijskaha kamiteta. — BiełaPAN.)
«Hety akt nie adpaviadaje sapraŭdnaści, bo zakonnym paradkam mianie nikoli nie abvinavačvali, i ja sam nikoli nie braŭ na siabie nijakaj viny za śmierć sp. Ryžankova. Zajava sp. Bondara, apublikavanaja ŭ haziecie «Sportivnaja panorama», naniesła mnie vialikuju škodu. Na mianie ŭskładziena častka viny za śmierć pavažanaha čałavieka. Heta nanosić i vialikuju škodu majoj dziełavoj reputacyi jak hałoŭnaha redaktara viadučaha spartyŭnaha vydańnia našaj krainy», — napisaŭ u svajoj zajavie U. Bieražkoŭ.
Jak paviedamiła hazieta «Priessboł», 28 maja A. Bondar zvolnieny z pasady dyrektara NDI.
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ26
Kamientary