Ekśpierymient «Art-bara» i Nacyjanalnaha mastackaha muzieja, upieršyniu praviedzieny padčas Nočy muziejaŭ, vyrašyli paŭtarać rehularna. Sutnaść jaho ŭ tym, što navat kali vy nikoli nie malavali, možacie pryjści i pasprabavać. Arhanizatary ŭpeŭnivajuć, što praź niekalki hadzin pojdziecie damoŭ z cudoŭnaj karcinaj.
Adbyvajucca hetyja sustrečy ŭ ścienach Nacyjanalnaha mastackaha muzieja ŭ niefarmalnaj atmaśfiery. Arhanizatary art-viečarynki sami rychtujuć usio nieabchodnaje: pałatno, farbu i navat kavu-harbatu. Tamu zastajecca, što nazyvajecca, uziać nohi ŭ ruki.
«Dla nas heta novaje. My ŭžo adnojčy supracoŭničali z «Art-baram», jaki pačaŭ ładzić art-viečarynki, kali pravodzili Noč muziejaŭ. Ubačyli, što ludziam heta cikava. Im chočacca čahości prostaha i radasnaha. U žniŭni my znoŭ arhanizavali takuju sustreču, i pryjšło kala 25 čałaviek. U dušy ž kožny ci mastak, ci akcior. Kali jość tvorčaja prastora i svaboda, naradžajucca cudoŭnyja rečy. U dadatak my razyhryvali pryzy, chacia kožny i bieź ich sychodziŭ ščaślivy i z padarunkam — ułasnaj karcinaj», — raspaviała kuratar prajekta ad Nacyjanalnaha mastackaha muzieja Alena Nabaroŭskaja.
Nastupnuju art-viečarynku ŭ muziei płanujuć pravieści 16 vieraśnia. Zapisvacca na jaje treba zahadzia, udzieł nie biaspłatny. Daviedki pa telefonie: 220-22-87 (Alena Iharaŭna Nabaroŭskaja).
Kamientary