Hramadzianie Rasii i Ukrainy, zatrymanyja pa padazreńni ŭ padrychtoŭcy teraktu ŭ Krymie, pryznalisia ŭ ździajśnieńni złačynstvaŭ, havorycca ŭ zajavie rasijskaha MZS.
«Zatrymanyja asoby ź liku hramadzian Ukrainy i Rasii, jakija akazvali sadziejničańnie ŭ padrychtoŭcy terarystyčnych aktaŭ. Siarod ich — Panoŭ Jaŭhien Alaksandravič i Zachciej Andrej Ramanovič. Usie jany dajuć pryznańni», — zajavili ŭ viedamstvie.
Raniej FSB nazyvała imia adnaho zatrymanaha — Panova. Pavodle dadzienych rasijskich śpiecsłužbaŭ, jon žyvie ŭ Zaparožskaj vobłaści Ukrainy i pracuje na ŭkrainskuju vyviedku.
Ukrainskaja palicyja pa zajavie svajakoŭ užo adkryła kryminalnuju spravu ab vykradańni Panova.
«Chacieli b taksama papiaredzić jak Kijeŭ, tak i jaho zamiežnych kurataraŭ, što škoda, naniesienaja rasijskamu boku, hibiel rasijskich vajskoŭcaŭ, biez nastupstvaŭ nie zastanucca», — havorycca ŭ zajavie viedamstva.
U ministerstvie taksama padkreślili, što sustrečy ŭ «narmandskim farmacie» (Rasija, Hiermanija, Francyja, Ukraina) naŭrad ci buduć mieć sens, pakul «Kijeŭ nie admovicca ad teroru i pravakacyj».
Za niekalki hadzin da hetaha prezident Ukrainy Piatro Parašenka daručyŭ ministerstvu zamiežnych spraŭ inicyjavać hutarku z prezidentam Rasii Uładzimiram Pucinym, kancleram Hiermanii Anhiełaj Mierkiel i prezidentam Francyi Fransua Alandam, a taksama prezidentam Jeŭrapiejskaha Savieta Donaldam Tuskam i vice-prezidentam ZŠA Džo Bajdenam.
Alimpijski čempijon Aramnaŭ: Nam vyhadnaja praciahłaja vajna, i Vova dy Saša ŭ joj pieramohuć24
Kamientary