Na Šanchajskim kirmašy dla achovy Aleksijevič ad amataraŭ aŭtohrafaŭ vymušanyja byli pryciahnuć dadatkovyja siły
Biełaruskaja nobeleŭskaja laŭreatka Śviatłana Aleksijevič uziała ŭdzieł u Šanchajskim knižnym kirmašy, jaki prachodziŭ 17—21 žniŭnia.
Biełaruskaja piśmieńnica atrymała premiju Šanchajskaha knižnaha kirmašu ŭ katehoryi «Hanarovy hość».
Na kirmašy ŭ Šanchai prezentavałasia ŭ kitajskim pierakładzie apošniaja kniha Śviatłany Aleksijevič, «Čas sekand-chend».
Ahienctva Sińchua paviedamlaje, što natoŭp achvočych atrymać aŭtohraf piśmieńnicy byŭ nastolki vialiki, što arhanizataram daviałosia vykarystać dadatkovyja siły pravaparadku, kab avałodać sytuacyjaj. Sama piśmieńnica skaraciła svoj vystup da 15 chvilin, kab mieć bolš času dla padpisvańnia knihi.
Shanghai Daily paviedamlaje, što letaś u listapadzie ŭ kitajskich pierakładach vyjšli try inšyja jaje knihi: «Čarnobylskaja malitva», «Cynkavyja chłopčyki» i «Ŭ vajny nie žanočy tvar».
Padčas pobytu ŭ Šanchai Aleksijevič dała interviju najbujniejšaj kitajskaj hazecie «Žeńmiń žybao», dzie siarod inšaha skazała:
«Kali kažuć, što čałaviek — heta piasčynka, to sotni ludziej — heta historyja. Balšyni zvyčajnych ludziej ciažka vykazać siabie, ja ŭzmacniaju ich hołas, kab ich pačuli ŭsie. I choć pa ich nie zastajecca śledu, jany ŭvachodziać u historyju.
Adnojčy niechta spytaŭsia ŭ Radena, jak jon robić svaje skulptury, i jon adkazaŭ: «Ja zmahajusia z kamieniem». Ja zmahajusia z časam — źbiraju reštki zabytych žyćciaŭ, čyšču, paliruju ich i stvaraju ź ich mastactva».
Akramia Aleksijevič, na kirmaš byli zaprošany bolš za 40 piśmieńnikaŭ z-za miažy. Ciaham piaci dzion kala 500 vydaviectvaŭ prezentavali ŭ Šanchai bolš za 150 tysiač najmieńniaŭ knih.
Na hetym tydni pradbačvajecca ŭdzieł Aleksijevič u Pekinskim knižnym kirmašy, dzie joj taksama majuć uručyć premiju.
Alimpijski čempijon Aramnaŭ: Nam vyhadnaja praciahłaja vajna, i Vova dy Saša ŭ joj pieramohuć24
Kamientary