Fołk-fest «Kamianica-2016» pakaža aŭtentyčnaje biełaruskaje viasielle.
10 vieraśnia na fiestyvali «Kamianica», jaki adbudziecca pra padtrymcy Banka BiełVEB, u hledačoŭ budzie ŭnikalnaja mahčymaść pabačyć paŭnavartasny biełaruski viasielny abrad u narodnym styli. Arhanizatary šukajuć dla jaho zakachanuju paru z surjoznymi namierami.
Pakaz viasiella budzie arhanizavany ŭ miežach fiestyvalnaj prezientacyi muzyčnaha kampakt-dyska «Pieśni i najhryšy viasiella vioski Lavonpal i jaje navakollaŭ u zapisach Siarhieja Paniźnika 1968-1969 hadoŭ», materyjał dla jakoha byŭ zapisany amal 50 hod tamu ŭ Mijorskim rajonie Viciebskaj vobłaści. U abradzie voźmuć udzieł Siarhiej Doŭhušaŭ (hurt Vuraj), Julija Litvinava, siabry Studienckaha etnahrafičnaha tavarystva (SET) i, abaviazkova, hledačy.
— Naturalna, što maładyja musiać mieć surjoznyja namiery — dziela žartu takija rečy rabić nie treba, — kaža kiraŭnik prajekta Siarhiej Doŭhušaŭ. — My budzie namahacca adnavić atmaśfieru viaskovaha viasiella taho času. Budzie navat stoł z aŭtentyčnymi prysmakami. Prahučać i zastolnyja pieśni, i tancavalnyja miełodyi: polki, valsy, krakaviak. Razam z tym navučym usich tancavać.
Pačatak abradu zapłanavay na 15.00 kala kafe «Biełaruskaja karčma», na terytoryi Muzieju narodnaj architektury i pobytu pad Minskam, dzie budzie adbyvacca fest. Praciahłaść abradu — kala 90 chvilin.
Žadajučyja stać žanichom i niaviestaj pavinny dasłać svaje fota ŭ narodnych strojach na adras [email protected] nie pazdniej za 1 vieraśnia.
Dysk «Pieśni i najhryšy viasiella vioski Lavonpal…» z padrabiaznym bukletam pra viasielnyja tradycyi tych časoŭ užo možna nabyć u Minsku ŭ kramach «Rahna», «Art-siadziba», a taksama internet-kramie Prastora.by z dastaŭkaj pa ŭsim śviecie.
Chedłajnierami «Kamianicy 2016» buduć etna-trya «Troica» i Ina Žałannaja (Rasija). Taksama vystupiać fołk-rokiery «Taruta» (Ukraina), etna-transavy kalektyŭ «Ole-Łukojie» (Rasija), rok-hurt Re1ikt (Biełaruś), fołk-ansambl «Vietach» (Biełaruś), śpiavačka Palina Respublika (Biełaruś) i inšyja muzyki.
Kvitki na fiestyval užo ŭ prodažy pra sajt i kasy apieratara ByCard. Darosłyja — 10 rubloŭ, studenty — 7 rubloŭ, školniki — 5 rubloŭ. Daškolniki i hledačy ŭ poŭnych nacyjanalnych strojach (ad abutku da hałaŭnoha ŭbora) prachodziać biaspłatna.
Sačycie za navinami fiestyvalu ŭ fejsbuku, u vk.com
-
Jak K-pop, tolki B-pop — śpiavačka Palina Dabravolskaja zapisała novy albom na biełaruskaj i polskaj movach
-
«Jandeks Muzyku» niemahčyma słuchać». Biełarusy aburanyja abjomami cenzury praz rasijski zakon ab prapahandzie narkotykaŭ
-
Biełarusy raźmiatajuć kvitki na kancerty zumiera Vani Dźmitryjenki z Krasnajarska nie tolki ŭ Minsku, ale ŭ rehijonach
Ciapier čytajuć
Mabilnym apierataram zabaranili zahaniać biełarusaŭ u vialiki minus8
Mabilnym apierataram zabaranili zahaniać biełarusaŭ u vialiki minus
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary