Zamiest paŭtornaj indeksacyi rasijskim piensijanieram adnarazova vypłaciać 5 tysiač rasijskich rubloŭ (77 dalaraŭ), zajaviŭ premjer-ministr RF Dźmitryj Miadźviedzieŭ. Vypłaty buduć zroblenyja tolki ŭ 2017 hodzie.
«U pieršym paŭhodździ, kali situacyja była ŭ ekanomicy zusim składanaj, a inflacyja darasła da peŭnaha ŭzroŭniu, my praviali častkovuju indeksacyju piensij za papiaredni pieryjad — na 4%. Ciapier my nie majem dastatkova resursaŭ, kab pravieści indeksacyju piensij u druhim paŭhodździ ŭ zvyčajnaj formie», — skazaŭ premjer paśla ŭradavaj narady ŭ aŭtorak.
«Ja staju na pryncypovaj pazicyi: ź ludźmi treba havaryć sumlenna i nie abiacać taho, što my siońnia vykanać nie možam, ale vykonvać toje, što raniej abiacali, niachaj navat i ŭ inšaj formie», — zajaviŭ Miadźviedzieŭ, kažučy pra pryniataje rašeńnie.
Miadźviedzieŭ paabiacaŭ, što ŭ pačatku 2017 hoda piensii buduć indeksavać užo całkam. «Lutaŭskaja indeksacyja budzie praviedzienaja ŭžo ŭ zvykłaj formie pa vynikach nazapašanaj inflacyi za 2016 hod, heta značyć u poŭnym abjomie», — skazaŭ premjer, dadaŭšy, što daručyŭ Minfinu adšukać dla hetych metaŭ kala 270 młrd rubloŭ.
Pavodle rasijskaha zakanadaŭstva, piensii pavinny indeksavacca na ŭzrovień inflacyi minułaha hoda, jaki ŭ 2015 hodzie dasiahnuŭ 11,9%. Pa vynikach pieršaha paŭhodździa z-za ciažkaj ekanamičnaj situacyi ułady Rasii pavialičyli piensii ŭ 2016 hodzie tolki na 4%. Takim čynam, realnyja dachody 40 miljonaŭ rasijskich piensijanieraŭ źmienšylisia.
Pa stanie na sakavik siaredni pamier pryznačanaj štomiesiačnaj piensii ŭ Rasii skłaŭ 12,397 rub (191,4 dalara). Budučy praindeksavanaj na 8%, hetaja piensija vyrasła b na 1000 rubloŭ u miesiac.
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary