Ministr ekanomiki i pramysłovaści Francyi Emaniuel Makron syšoŭ u adstaŭku sa svajoj pasady, kab mieć mahčymaść udzielničać u kampanii pa vybarach prezidenta krainy ŭ 2017 hodzie.
Tym samym paćvierdzilisia čutki z hetaj nahody, jakija cyrkulavali ŭ ŚMI i stali asabliva aktyŭnymi ŭ aŭtorak, 30 žniŭnia.
Makron, jakoha nazyvajuć «samym maładym siarod starych» palitykaŭ Francyi, zajaviŭ, što sychodzić, kab całkam pryśviacić siabie svajmu palityčnamu ruchu.
Jaho pradstaŭnik zajaviŭ, što Makron nie budzie abjaŭlać pra svaje płany ŭ dzień adstaŭki.
Jon stvaryŭ palityčny ruch En Marche! («Napierad!») u krasaviku 2016 hoda. Ruch naličvaje kala 50 tysiač členaŭ i pazicyjanuje siabie jak «nie levy i nie pravy».
Zasnavalnik ruchu ŭ 2006-2009 hadach byŭ u sacyjalistyčnaj partyi Francyi. Pasadu ministra ŭ kabiniecie Manuela Valsa zaniaŭ u žniŭni 2014 hoda. Jon pracavaŭ u bankirskim domie Rotšyldaŭ i ŭ aparacie supracoŭnikaŭ prezidenta Fransua Alanda.
Raniej ab svaim namiery bałatavacca na pasadu kiraŭnika dziaržavy zajavili były prezident Francyi Nikala Sarkazi i były premjer-ministr Alen Župe. Abodva pradstaŭlajuć łahier pravych.
Znoŭ maje namier vystavić svaju kandydaturu i lidar krajnie pravaha «Nacyjanalnaha frontu» Maryn Le Pien.
Vybary prezidenta Francyi adbuducca viasnoj 2017 hoda.
Ciapier čytajuć
Aryštavali byłoha pamočnika Michaiła Miaśnikoviča5
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary