Schavanaja kamiera źniała, jak niaviesta miljaniera źbivaje sama siabie dziela sudovaha pazovu VIDEA
Mery Chant, byłaja niaviesta miljaniera Skota Mitčeła z štata Fłaryda (ZŠA), padała sustrečny pazoŭ u sud, abvinavaciŭšy mužčynu ŭ chatnim hvałcie, paviedamlaje Daily Star.
U adkaz jon apublikavaŭ videa, źniataje na schavanuju kamieru ŭ jaho domie. Na zapisy vidać, jak 29-hadovaja Chant sama bje siabie pa tvary i pa hałavie mienavita ŭ tych miescach, dzie paźniej utvarylisia siniaki. Byłaja niaviesta raniej pradstaviła hetyja siniaki jak dokaz viny Mitčeła.
Sudovy praces byŭ pačaty jašče letaś, kali nieŭzabavie paśla rasstańnia ŭ žniŭni 2015 hoda miljanier abvinavaciŭ byłuju niaviestu ŭ kradziažy kaštoŭnaściej na sumu dva miljony dalaraŭ. Ich źniknieńnie jon vyjaviŭ nieŭzabavie paśla razryvu. Praź niekatory čas Mitčełu patelefanavaŭ baćka Chant i, znachodziačysia ŭ stanie mocnaha ałkaholnaha apjanieńnia, raspavioŭ, što dačka dasłała jamu «branzalety, bryljanty, usio».
U adkaz Chant zajaviła, što žanich biŭ jaje. Videazapis, jaki abviarhaje jaje słovy, na pradmiet mantažu vyvučajuć ekśpierty. Suma kampiensacyi pa pazovie, zajaŭlenaja Mitčełam, składaje čatyry miljony dalaraŭ.
Kamientary