Biełarus za dva miesiacy prajechaŭ na invalidnym vazku 10 krain Jeŭropy
Žychar Lidy Alaksandr Aŭdzievič za dva miesiacy pierasiok na invalidnym vazku 10 krain Jeŭropy, a 30 žniŭnia ŭ pasolstvie Biełarusi ŭ Francyi ź im sustreŭsia ambasadar Biełarusi ŭ Francyi Pavieł Łatuška. Pra heta paviedamili ŭ dypmisii.
Pavieł Łatuška vykazaŭ słovy padtrymki Alaksandru Aŭdzieviču i pažadaŭ udałaha padarožža. Biełaruski dypłamat padziakavaŭ vandroŭniku za namahańni pa papularyzacyi Biełarusi za jaje miežami, a taksama vykazaŭ hatoŭnaść akazać nieabchodnaje sadziejničańnie padčas pajezdki pa terytoryi Francyi, Ispanii i Partuhalii.
Alaksandr Aŭdzievič pačaŭ svajo padarožža 1 lipienia ŭ Minsku. Za 60 dzion hramadzianin Biełarusi ŭžo prajechaŭ Litvu, Łatviju, Estoniju, Finlandyju, Šviecyju, Daniju, Hiermaniju, Niderłandy i Bielhiju. Paśla Francyi ŭ płanach biełarusa naviedać Ispaniju i Partuhaliju.
Meta pajezdki biełarusa — prademanstravać, što ludzi z abmiežavanymi mahčymaściami taksama mohuć paznavać i źmianiać śviet da lepšaha. Akramia taho, mužčyna choča raskazać pra Biełaruś za jaje miežami. U kožnaj krainie, jakuju prajazdžaje mužčyna, jon vučyć miascovych žycharoŭ dvum słovam: «Biełaruś» i «Lida». Taksama jon daje intervju miascovym ŚMI, u jakich raspaviadaje pra krainu. Tak, u Paryžy Alaksandr Aŭdzievič daŭ intervju francuzskaj radyjostancyi RFI.
Ciapier čytajuć
Novy staršynia Kanstytucyjnaha suda adpraviŭ syna vučycca na raźviedčyka ŭ akademiju HRU. A jak pačałasia vajna, chutčej zabraŭ z Rasii20
Kamientary