Mitrapalit Jekaciarynburhski i Vierchaturski Kirył hatovy paprasić pravaachoŭnyja orhany adpuścić aryštavanaha błohiera Rusłana Sakałoŭskaha na paruki. Pra heta jon zajaviŭ Znak.com.
«Ja daručyŭ razabracca, jakaja ciapier jość jurydyčnaja mahčymaść paŭpłyvać na los hetaha čałavieka, — skazaŭ mitrapalit. — My nie prahniem kryvi, nam prosta važna, kab takija ŭčynki nie raspaŭsiudžvalisia dalej».
Pa słovach mitrapalita Kiryły, u vypadku, kali atrymajecca damahčysia vyzvaleńnia błohiera ź SIZA, pradstaŭniki Jekaciarynburhskaj jeparchii «hatovyja pravodzić ź im čas».
«My b chacieli, kab jon paŭdzielničaŭ u rabocie našych słužbaŭ miłasernaści, ubačyŭ žyćcio ź inšaha boku. My b chacieli, kab jon udzielničaŭ u akazańni dapamohi invalidam, starym i dzieciam. Moža być, heta dapamahło b jamu inakš pahladzieć na žyćcio», — skazaŭ mitrapalit.
Pa słovach Kiryły, Carkva «hatova praciahnuć ruku» aryštavanamu błohieru, kali toj hatovy pryniać takuju dapamohu.
«Kali jon skaža, što choča pakutavać za svaje pierakanańni dalej, heta budzie jaho vybar. Kali ž jon apyniecca na voli, my b tolki chacieli, kab jon vydaliŭ tyja frahmienty rolikaŭ, dzie abražajucca Boh i Maci Božaja. Jon moža kolki zaŭhodna abražać mianie ci kahości jašče, ale nie Boha i nie Maci Božuju. Hetaha nie dazvolili b ni ŭ adnoj krainie», — kaža śviatar.
Pa słovach mitrapalita Kiryły, da paniadziełka ŭ jaho budzie ŭjaŭleńnie pra toje, jakija jurydyčnyja kroki možna raspačać dla vyzvaleńnia Rusłana Sakałoŭskaha.
Nahadajem, Kiraŭski rajonny sud Jekaciarynburha 3 vieraśnia aryštavaŭ videabłohiera Rusłana Sakałoŭskaha, jaki hulaŭ u «Pokemon Go» u chramie-na-Kryvi, a zatym apublikavaŭ videa pra heta. Jon taksama krytyčna i sarkastyčna vykazvaŭsia pra Ruskuju pravasłaŭnuju carkvu. Jaho abvinavačvajuć pa dvuch artykułach kryminalnaha kodeksu, u abrazie pačućciaŭ viernikaŭ i raspalvańni varožaści.
Ciapier čytajuć
Śviatłana Cichanoŭskaja zaviała treds. Što joj pišuć biełarusy?7
Kamientary