Prezident Ukrainy Piatro Parašenka zajaviŭ, što stratehičnaj metaj krainy zastajecca ŭstupleńnie ŭ NATA.
«Hety pakazalnik niepachisny, jak Palarnaja zorka na zornym niebie. Usio, što my ažyćciaŭlajem ŭ abaronnaj halinie, my robim, mocna trymajučy ŭ rukach kompas, strełka jakoha pakazvaje na Paŭnočnuju Atłantyku», — skazaŭ jon u štohadovym pasłańni da Viarchoŭnaj rady ab unutranym i źniešnim stanoviščy Ukrainy.
Parašenka iznoŭ abvinavaciŭ Rasiju ŭ praciahu vajennaj ahresii, pakazaŭšy, što ŭ hetych umovach Ukrainie nieabchodna ŭmacavać nacyjanalnaje adzinstva i naroščvać vajskovy patencyjał. Pavodle jaho słoŭ, na siońniašni dzień Ukraina zaklučyła bolš za 40 mižnarodnych kantraktaŭ na pastaŭku nieabchodnych dla armii ŭzbrajeńniaŭ na ahulnuju sumu 1,5 młrd dalaraŭ.
U toj ža čas, jak zajaviŭ Parašenka, Ukraina pavinna abapiracca na ŭłasnyja siły. Pavodle jaho słoŭ, ciapier urad vydatkoŭvaje 3% dziaržaŭnaha biudžetu na vajennyja patreby.
«Za dva hady my adnavili vojska. Jano nie žyruje, ale ŭžo matyvavanaje; biez prysmakaŭ, ale nakormlenaje; nie ad kuciur, ale apranutaje», — skazaŭ Parašenka.
Svajoj hałoŭnaj zadačaj ukrainski prezident nazyvaje baraćbu za adnaŭleńnie terytaryjalnaj cełasnaści Ukrainy ŭ miežach 1991 hoda.
«Fantazii pra mir u abmien na terytoryi — iluzornyja. Pry takim padychodzie nie budzie ni miru, ni terytoryj. Zajava Pucina, što pytańnie Kryma zakrytaje, heta tolki jaho tryźnieńnie. Krym byŭ, jość i budzie ukrainskim!» — zajaviŭ jon.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB20
Kamientary