Sioleta bajavoj hatoŭnaści dasiahnuli šmatmetavyja źniščalniki piataha pakaleńnia F-35, jakija, jak čakajecca, buduć asnovaj bajavoj mocy avijacyi ZŠA ŭ bližejšyja 20-30 hod.
Adnak užo ciapier Pavietranyja siły ZŠA sprabujuć prahnazavać technałohii i taktyku, jakija spatrebiacca ŭ budučyni, a taksama pačali dumać pra raspracoŭku pieršapačatkovych taktyka-techničnych patrabavańniaŭ da bajavoj mašyny nastupnaha pakaleńnia, piša defensenews.com.
Prajekty nazyvajucca «Pavietranaje panavańnie novaha pakaleńnia» (Next Generation Air Dominance, NGAD) i «Invaziŭnaja supraćpavietranaja abarona» (Penetrating Counter Air, PCA).
Adnak płanujecca, što, u adroźnieńni ad dziesiacihodździaŭ, jakija spatrebilisia dla źjaŭleńnia bajazdolnaha F-35, novy źniščalnik patrapić u ruki vajskoŭcaŭ chutčej.
«Nam treba mieć niešta da kanca 2020-ch. Ja dumaju, što realistyčna raźličvać prykładna na 2028 hod pry najaŭnaści značnych inviestycyj u klučavyja technałohii», - raspavioŭ bryhadny hienierał Aleksus Hrynkievič, jaki ŭdzielničaŭ u stvareńni aficyjnaha dakłada «Panavańnie ŭ pavietry — 2030».
Jašče adnym adroźnieńniem budzie toje, što ciapier avijacyja ZŠA budzie raspracoŭvać nie prosta asobny samalot, ale mašynu, intehravanuju u adzinuju sistemu razam z kaśmičnymi, kibier- i radyjoelektronnymi vajennymi kompleksami.
Taksama vajskoŭcy dumajuć, jak zrabić bolš chutkim praces acenki i nabyćcia novaj techniki. Pry vykarystańni sučasnych pracedur prahnazavałasia, što avijacyja ZŠA atrymaje novy źniščalnik nie raniej za 2040 hod. Adnak z novymi schiemami paralelnaha prajektavańnia i zamoŭ Hrynkievič spadziajecca vykacić novuju mašynu na dziesiać hod raniej.
Ciapier tolki ZŠA majuć na ŭzbrajeńni bajavuju avijacyju piataha pakaleńnia - źniščalniki F-22 i F-35. Kitaj i Rasija praciahvajuć svaje raspracoŭki ŭ hetaj śfiery.
Ciapier čytajuć
Aryštavali byłoha pamočnika Michaiła Miaśnikoviča10
Aryštavali byłoha pamočnika Michaiła Miaśnikoviča
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary