Pa-letniamu ciopłaje nadvorje čakajecca ŭ Biełarusi ŭ vychodnyja, paviedamiła hałoŭny sinoptyk Śviatłana Rybakova.
«Leta nie śpiašajecca raźvitvacca z nami. I choć vosień užo nahadvaje pra siabie chaładnavatymi načami i ranišnimi tumanami, vierasień jašče paraduje nas pa-letniamu ciopłymi dziańkami», - padkreśliła sinoptyk.
U piatnicu, 9 vieraśnia, umovy nadvorja na terytoryi Biełarusi budzie vyznačać vobłaść pavyšanaha atmaśfiernaha cisku. Pieravažna biez apadkaŭ. U načnyja i ranišnija hadziny ŭ asobnych rajonach mahčymy tuman. Tempieratura pavietra ŭnačy składzie 8—13 hradusaŭ, tolki pa paŭnočnym uschodzie budzie plus 5—7 hradusaŭ. Dniom čakajecca 17—23 ciapła, pryčym chaładniej budzie na paŭnočnym uschodzie krainy, a pa paŭdniovym zachadzie tempieratura dasiahnie 24—28 hradusaŭ.
Nadvorje ŭ vychodnyja buduć farmavać vobłaść pavyšanaha atmaśfiernaha cisku i ciopłyja pavietranyja masy, jakija pastupajuć z paŭdniovaha zachadu Jeŭropy. Čakajecca pa-letniamu ciopłaje nadvorje.
Pry hetym u suviazi z adsutnaściu apadkaŭ pavialičvajecca pažaraniebiaśpieka lasoŭ, asabliva ŭ paŭdniovych rajonach krainy.
U subotu biez apadkaŭ. Nočču i ranicaj u asobnych rajonach zhuścicca tuman. Tempieratura pavietra ŭnačy składzie 7—14, u paŭnočna-ŭschodnich rajonach plus 4—6 hradusaŭ.
Dniom čakajecca 20—27, pa paŭdniovym zachadzie pavietra prahrejecca da 29 hradusaŭ.
U niadzielu taksama biez apadkaŭ. Nočču i ranicaj miescami mahčymy tuman. Nočy stanuć ciaplejšymi, tempieratura pavietra nie apuścicca nižej 9—16 hradusaŭ, u dzionnyja hadziny tempieratura dasiahnie +22—29 hradusaŭ.
Da siaredziny nastupnaha tydnia zachavajecca vielmi ciopłaje nadvorje.
Budzie pieravažna biez apadkaŭ, tolki ŭ paniadziełak, 12 vieraśnia, dniom miescami pa paŭnočnaj pałovie krainy projduć karotkačasovyja daždžy.
Tempieratura pavietra ŭ načny čas składzie 10—16, udzień čakajecca 22—28, pa paŭdniovym zachadzie pavietra prahrejecca da 30 hradusaŭ.
Kamientary