Paśla razhromnaj parazy ad Halandyi Raberta Danadoni paabiacaŭ, što jaho kamanda zrobić vysnovy z dapuščanych pamyłak, i vykazaŭ dumku, što nastupny matč z Rumynijaj taksama nia budzie lohkim špacyram dla jaho padapiečnych.
«Kali my prapuścili pieršy miač, usio ŭskładniłasia. Jak śledstva, my nie paśpieli pierašychtavacca, kali nam zabivali druhi hoł. My byli dobra padrychtavanyja fizyčna, ale drenna prajavili siabie ŭ stvaralnaści. Heta byŭ nia naš viečar. Halandcy hulali vielmi mocna, jak my ad ich i čakali. My viedali, što jany mohuć stvaryć šmat momantaŭ i zrabić šmat niepryjemnaha. My dapuścili šerah pamyłak i zapłacili za ich. Matč pačaŭsia kiepska, a skončyŭsia jašče horaj. Ale heta ŭžo historyja. Treba dumać pra hulniu z Rumynijaj. my pavinna ŭznavicca fizyčna i maralna, kab pačać ruchacca ŭ patrebnym napramku. Kali b my nie byli nastrojeny aptymistyčna, my mahli prosta zaraz adpraŭlacca ŭ adpačynak, a nie kiravacca ŭ Ciurych», cytuje słovy Danadoni Sport‑Ekspriess.
Darečy viadučaje spartovaje vydańnie SND łała nastupny zahałovak spravazdačy ab matču Halandyja — Italija: «Błakitnaja eskadra pajšła na dno».
A aficyjny sajt UEFA daŭ taki zahałovak svajmu artykułu: «Śniadańnie z čempijonaŭ»
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary