Da poŭnaha pahašeńnia ŭsioj sumy škody štodnia naličvajecca niaŭstojka ŭ pamiery 167 tysiač jeŭra.
Rasijskaja dziaržkarparacyja «Rasatam» patrabuje ad bałharskaj boku vypłaty zapazyčanaści ŭ pamiery 620 miljonaŭ jeŭra za spynieńnie sumiesnaha prajekta budaŭnictva atamnaj elektrastancyi (AES) «Bielenie». Pra heta paviedamiła ŭ subotu, 10 vieraśnia, pres-słužba dziaržkarparacyi.
«Rasijski bok nastojvaje na nieabchodnaści chutčejšaha vykanańnia rašeńnia arbitražnaha suda i pahašeńnia doŭhu bałharskim bokam», — adznačajecca ŭ dakumiencie. Maskva čakaje, što Safija ŭ bližejšy čas akreślić «terminy vypłaty doŭhu», padkreślivajecca ŭ zajavie kampanii, pieradaje Deutche Welle.
U piatnicu, 9 vieraśnia, u Bałharyi prajšła sustreča rasiejska-bałharskaj rabočaj hrupy pa pytańniach vykanańnia rašeńnia arbitražnaha suda pry mižnarodnaj handlovaj pałacie ŭ Ženievie ŭ dačynieńni da prajekta AES «Bielenie». Zhodna ź jaho vierdyktu, bałharskaja kampanija NEK pavinna kampiensavać rasijskamu boku škodu za spynieńnie budaŭnictva AES «Bielenie» ŭ abjomie 620 miljonaŭ jeŭra, nahadvaje TASS. Da poŭnaha pahašeńnia ŭsioj sumy škody štodnia naličvajecca niaŭstojka ŭ pamiery 167 tys. jeŭra.
Kamientary