Uzbrojenyja siły Vialikabrytanii nie ŭ stanie abaranić krainu ŭ vypadku maštabnaha napadu, naprykład, z boku Rasii, havorycca ŭ dakładzie, padrychtavanym kiraŭnikom Abjadnanaha kamandavańnia ŭzbrojenych sił Brytanii hienierała Ryčarda Baransa.
U dakładzie, padrychtavanym Baransam jašče da taho, jak jon syšoŭ z pasady kiraŭnika Abjadnanaha kamandavańnia ŭ krasaviku, havorycca, što brytanskija ŭzbrojenyja siły byli pazbaŭlenyja svajho klučavoha patencyjału ŭ vyniku skaračeńnia finansavańnia.
Pavodle jaho słoŭ, u śfiery abarony brytanski ŭrad zachoŭvaje tolki «vitrynu», naprykład, avijanoscy, piša hazieta Financial Times.
Vydańnie piša, što atrymała dostup da 10-ci staronkavaj dakładnoj zapiski, adpraŭlenaj ministru abarony seru Majkłu Fełanu.
Dakumient byŭ napisany nieŭzabavie paśla rašeńnia ŭrada pavialičyć vydatki na abaronu na 5 młrd funtaŭ (6,5 młrd dalaraŭ) da 2020—2021 hoda, a taksama abiacańnia prytrymlivacca praviła NATA, zhodna ź jakim členy aljansu pavinny tracić nie mienš za 2% svajho VUP na abaronu.
Pa słovach sera Ryčarda Baransa, «fundamientalny dla ŭsich viadučych uzbrojenych sił patencyjał byŭ naŭmysna pamienšany».
Pavodle jaho słoŭ, armija pastupova pazbaŭlałasia svaich techničnych i łahistyčnych mahčymaściaŭ.
«Kontrterarystyčnaja apieracyja — heta apošniaje, da čaho moža padrychtavacca armija dla harantavańnia biaśpieki pavietranaj i marskoj prastory, a taksama terytoryi krainy», piša hienierał.
«Ni sama brytanskaja terytoryja, ni raźmieščanyja na joj siły nie mohuć być abaronieny ad skaardynavanaj pavietranaj kampanii Rasii», — havorycca ŭ jaho dakładzie.
Armija pryvykła dziejničać z abaronienych baz suprać supiernika, jaki nie zdolny na maštabnyja manieŭry, napisaŭ brytanski hienierał.
Na jaho dumku, kolkaść składu suchaputnych, vajenna-pavietranych i vajenna-marskich sił skaročana da niebiaśpiečnaj miažy, a siły VPS i VMF pryvykli spadziavacca na padtrymku amierykancaŭ.
Klučavyja sistemy — radyjołakacyjnaja, kiravańnia ahniom i rakietnaja — znachodziacca ŭ dalokim ad idealnaha stanu, napisaŭ hienierał.
«Stvarajecca ŭražańnie, što sučasny kanflikt moža być tolki nievialikim i karotkaterminovym, bo my nie možam sabie dazvolić udzielničać u inšym. Heta absurd», — praciahvaje hienierał.
«Niazdolnaść vyrašyć hetuju prablemu nie budzie mieć značeńnia, kali nam pašancuje, i śviet u budučyni budzie takim, jakim my čakajem jaho ŭbačyć. Ale vielizarnaj prablemaj budzie situacyja, u jakoj Vialikabrytanija apyniecca pierad tvaram tolki niekatorych z mahčymych ryzyk», — napisaŭ jon.
Ser Ryčard zajmaŭ pasadu kiraŭnika Abjadnanaha kamandavańnia ŭzbrojenych sił Brytanii z 2013 pa 2016 hady.
Jon nie pieršy z kamandavańnia brytanskaj armii, jaki vystupiŭ suprać skaračeńniaŭ abaronnaha biudžetu.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary