AAT «MAZ» šukaje zamiežnych inviestaraŭ, u tym liku ź Jeŭropy, paviedamiŭ 22 vieraśnia na pres-kanfierencyi ŭ Minsku pieršy namieśnik ministra pramysłovaści Hienadź Śvidzierski.
«My znachodzimsia ŭ stanie pošuku inviestaraŭ, viadziem pieramovy i z KAMAZam, i z kitajskaj kampanijaj, i ź jeŭrapiejskimi partniorami, ale pytańnie ab stratehičnym źlićci zaraz na paradku dnia nie staić», — skazaŭ jon.
Adkazvajučy na pytańnie pra pierśpiektyvy abjadnańnia MAZa i KAMAZa, Śvidzierski zajaviŭ: «Hetaje pytańnie pakul źniataje z paradku dnia, bo toje, što prapanoŭvałasia rasijskim bokam, nie zadavalniała biełaruskaje pradpryjemstva». Pavodle jaho słoŭ, płanavałasia, što rezident (sumiesnaje pradpryjemstva) budzie raźmiaščacca na terytoryi Rasii, i išła havorka pra pieradaču častki akcyj Minskaha aŭtamabilnaha zavoda.
Śvidzierski taksama paviedamiŭ, što stvareńnie novych mašynabudaŭničych chołdynhaŭ u dadatak da 17 isnych u sistemie Minprama ŭnutry krainy nie płanujecca. «Ciapier my pracujem nad tym, kab chołdynhi adpaviadali i ekanamičnaj, i techničnaj sutnaści. Zaraz pravodzim centralizacyju techničnaj palityki, markietynhu i zakupak», — paviedamiŭ Śvidzierski.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary