Minachovy zdaroŭja: Mužčyn u palikliniki nie zahnać
U 2016-2020 hadach pierad dziaržavaj staić zadača zabiaśpiečyć zachavańnie zdaroŭja biełarusaŭ na praciahu ŭsiaho žyćcia. U Ministerstvie achovy zdaroŭja raspaviali, jak źbirajucca vyrašać prablemu vysokaj mužčynski śmiarotnaści, atłuścieńnia i prasoŭvać ideju zdarovaha ładu žyćcia siarod biełarusaŭ.
Pieršy namieśnik ministra achovy zdaroŭja Biełarusi Dźmitryj Pinievič raspavioŭ, što demahrafičnaja jama krainie nie pahražaje, bo za apošni hod udałosia pavialičyć naradžalnaść i źnizić śmiarotnaść. Ale pakazčyk śmiarotnaści mužčynskaha nasielnictva va ŭzroście 15-60 hadoŭ pa-raniejšamu vysoki — u 3-4 razy vyšej, čym u krainach ES.
— Hałoŭnymi faktarami źjaŭlajucca kureńnie i ałkahol. U hetych zhubnych zvyčkach mužčynskaje nasielnictva lidziruje, ale my chočam, kab kuryć stała niamodnym. Dalej — śmierć u vyniku DTZ i vytvorčyja traŭmy (tradycyjna ŭ traŭmaniebiaśpiečnych prafiesijach zadziejničanyja mužčyny).
Jon źviarnuŭ uvahu, što prablema źjaŭlajecca stratehičnaj.
— Na prafiłaktyčnyja akcyi ŭ Minsku, naprykład, pa zamiery arteryjalnaha cisku sa sta čałaviek prychodzić tolki 15 mužčyn. My ž nie možam być chvorymi, kulhavymi, baimsia pryznacca sabie ŭ słabaści. Heta zakładziena na hienietyčnym uzroŭni. Tamu faktar adnosinaŭ da ŭłasnaha zdaroŭja tut hraje niemałavažnuju rolu. Mužčyn u palikliniku nie zahnać. Nie chapaje kabinietaŭ mužčynskaha zdaroŭja. Paradaksalna, ale daŭžej žyvuć tyja mužčyny, u kaho kryzis zdaroŭja nadychodzić raniej. Kali hrom hrymnuŭ, ale žyvy zastaŭsia. Pačynajuć sačyć za zdaroŭjem, kidajuć palić, sočać za vahoj, charčavańniem, — skazaŭ Dźmitryj Pinievič.
Ciapier čytajuć
Aryštavali byłoha pamočnika Michaiła Miaśnikoviča8
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary