Pasolstva KNDR u Minsku adkryłasia ŭ zvyčajnym piacipaviarchoviku? FOTAFAKT
Na dniach Centralnaje telehrafnaje ahienctva Paŭnočnaj Karei paviedamiła, što ŭ Biełarusi adkryłasia pasolstva KNDR. Pa adrasie ŭ Minsku, dzie mierkavana raźmiaščajecca pasolstva, — zvyčajnaja žyłaja piacipaviarchoŭka i pra dyppradstaŭnictva ničoha nie nahadvaje.
MZS Biełarusi pakul nie kamientuje hetuju infarmacyju i prapanuje zrachavacca sa śpisam dypłamatyčnych pradstaŭnictvaŭ zamiežnych dziaržaŭ u Respublicy Biełaruś — u im pasolstva Paŭnočnaj Karei adsutničaje, ale adras i telefony dypłamatyčnaha pradstaŭnictva KNDR u Biełarusi možna znajści ŭ internecie.
U kvatery, dzie pavinna było znachodzicca pasolstva, nikoha zastać nie ŭdałosia. Ličylnik elektraenierhii «nie kruciŭ», a na zvanki ŭ dźviery i damafon nichto nie adreahavaŭ. Nie adkazvaŭ taksama i telefon pasolstva. Susiedzi pa placoŭcy kažuć, što ŭ nazvanaj kvatery «žyvie zvyčajnaja žančyna».
U pasolstvie Paŭnočnaj Karei ŭ Maskvie paćviardžajuć, što pasolstva ŭ Minsku adkryłasia 19 vieraśnia:
— Biełaruś naviedvaŭ dyrektar treciaha departamienta MZS KNDR O Syn Cho, i ŭ chodzie vizitu było adkryta pasolstva. Pasolstva adkryta i zaraz naładžvaje pracu, ale biez pasła jany paŭnavartasna pracavać nie mohuć. Nakolki ja viedaju, pakul u pasolstvie pracujuć 2-3 čałavieki, — raspavioŭ sakratar ambasady KNDR u Maskvie.
Pa dadzienych, jakija ŭdałosia znajści TUT.BY, siońnia ŭ pasolstvie Paŭnočnaj Karei ŭ Biełarusi, u toj samaj kvatery, pracujuć jak minimum dva čałavieki. Časovy pavierany ŭ spravach — sp. Pak Jen Sik i handlovy pradstaŭnik — sp. Lu Čoł Chun.
Minsk siońnia viečaram pahruziŭsia ŭ ciemru. Paśla zahadu Łukašenki48
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary