U suviazi z častymi vypadkami padmanu spažyŭcoŭ, jakija ažyćciaŭlajuć pakupki ŭ sacyjalnych sietkach u internecie, Ministerstva antymanapolnaha rehulavańnia i handlu źviartaje ŭvahu, što prodaž tavaraŭ u sacsietkach niezakonny. Adpaviednaja infarmacyja raźmieščanaja na aficyjnym sajcie MARH.
«Nabyvajučy tavary ŭ internet-mahazinach, jakija majuć pašyreńnie zony.com i da t.p., abo na internet-sajtach, dzie pradaviec paznačaje tolki elektronnuju poštu abo telefon, abaranić pravy spažyŭcoŭ składana, pakolki vyznačyć subjekta handlu ŭ hetych vypadkach ciažka», — havorycca ŭ paviedamleńni.
Tam nahadvajecca, što 15 vieraśnia adbyŭsia incydent z anłajn-mahazinam «Marharytka», u jakim hramadzianie na sajcie vk.com/margaritka_margaritka zakazvali tavary pa nizkich cenach. Paśla zakazu i apłaty tavaru jaho dastaŭka zatrymlivałasia, a ŭ vyniku pasyłki pierastali prychodzić zusim. Zakazčyki sprabavali atrymać hrošy nazad, ale biespaśpiachova.
Kab paźbiehnuć padmanu pry kupli tavaraŭ z vykarystańniem sietki internet, Ministerstva antymanapolnaha rehulavańnia i handlu rekamienduje źviartać uvahu, što ŭ rekłamie tavaraŭ, jakaja raźmiaščajecca ŭ sacyjalnych sietkach, na sajtach internet-placovak pavinna być hipierspasyłka na zarehistravany subjektam handlu ŭ Handlovym rejestry internet-mahazin. U adpaviednaści z zakanadaŭstvam damiennaje imia internet-mahazina pavinna znachodzicca ŭ nacyjanalnaj damiennaj zonie, što maje abaznačeńnie.by,.bieł.
Infarmacyja ab zarehistravanych u Handlovym rejestry Biełarusi internet-mahazinach raźmieščana na aficyjnym sajcie viedamstva www.mintorg.gov.by ŭ rubrycy «Handlovy rejestr», padrubryka «Publikacyja źviestak».
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli43
Alaksandr Łukašenka tak lasnuŭsia na lod na chakiei, što trybuny zamierli
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary