Stan byłoha prezidenta Izraila Šymona Pieresa paśla dvuch tydniaŭ znachodžańnia ŭ balnicy imkliva paharšajecca. Siamju najstarejšaha palityka krainy zaprasili ŭ špital dla raźvitańnia, paviedamlaje haaretz.com
Dva tydni tamu Šymon Pieres trapiŭ u balnicu ź insultam.
***
Šymon Pieres (Pierski) naradziŭsia 2 žniŭnia 1923 h. u Višnievie (siońnia Vałožynski rajon, tady heta była terytoryja Polskaj dziaržavy). U 1931 h. jahony baćka emihravaŭ u Paleścinu, a ŭ 1934 h. da jaho pierabralisia i žonka ź dziećmi. Svajaki Pierskich, što zastalisia ŭ Višnievie, zahinuli padčas niamieckaj akupacyi.
Karjera Šymona Pieresa naličvaje bolš za 70 hadoŭ. Jon zajmaŭ ministerskija pasady ŭ 12 kabinietach ministraŭ Izraila: dvojčy byŭ ministram abarony, trojčy ministram zamiežnych spraŭ, ministram finansaŭ, ministram unutranych spraŭ, rehijanalnaha raźvićcia, ministram adsorbcyi dy inš.
U 1984—1986 hh. i 1995—1996 hh. Šymon Pieres byŭ premjer-miinistram, a ŭ 2007—2014 hh. — prezident Izraila.
Łaŭreat Nobieleŭskaj premii miru za 1994 h. razam z premjer-ministram Icchakam Rabinam i paleścinskim lidaram Jasiram Arafatam.
Ciapier čytajuć
Śviatłana Cichanoŭskaja zaviała treds. Što joj pišuć biełarusy?7
Kamientary