Padatkovyja orhany pakul zmahli znajści siarod biełarusaŭ tolki kala 10 tysiač «darmajedaŭ». Usim im nakiravali paviedamleńni. Atrymalnikam listoŭ ad padatkovaj treba budzie albo dakazać, što jany pracavali ŭ 2015 hodzie bolš za 183 dni, albo vypłacić zbor da 15 listapada 2016 hoda, paviedamili ŭ pres-słužbie Ministerstva pa padatkach i zborach.
Jašče kali dakumient ab «utrymancach» byŭ na stadyi idei, čynoŭniki kazali, što tych, chto nie pracuje i nie płacić padatki, bolš za 400 tysiač. Pakul znajści ŭsich nie ŭdałosia.
Adnak kolkaść płacielščykaŭ zboru moža źmianicca. «U ciapierašni čas padatkovyja orhany praciahvajuć rabotu pa farmavańni bazy danych płacielščykaŭ zboru na finansavańnie dziaržaŭnych vydatkaŭ za 2015 hod», — kažuć u MPZ.
Vyznačeńnie pieryjadu ŭdziełu hramadzian u finansavańni dziaržaŭnych raschodaŭ, udakładniajuć u padatkovaj, «ažyćciaŭlajecca na padstavie źviestak, jakija jość u dziaržaŭnych orhanach i arhanizacyjach».
«Adnak z pryčyny taho, što mnohija hramadzianie pracujuć za miežami našaj respubliki i vypłačvajuć padatki na terytoryi zamiežnych dziaržaŭ, całkam aŭtamatyzavać praces farmavańnia bazy dadzienych płacielščykaŭ pa abjektyŭnych pryčynach nie ŭjaŭlajecca mahčymym», — zajavili ŭ MPZ.
Pry hetym hramadzianin, jaki atrymaŭ paviedamleńnie na vypłatu zboru, maje prava pradstavić u padatkovy orhan dakumienty i (abo) tłumačeńni, jakija śviedčać ab adsutnaści ŭ jaho abaviazku pa vypłacie zboru za adpaviedny padatkovy pieryjad abo ab niapravilnym vyličeńni padatkovym orhanam sumy zboru.
«Prainfarmavać ab pravie na vyzvaleńnie ad vypłaty zboru, možna jak źviarnuŭšysia ŭ padatkovy orhan asabista, tak i šlacham nakiravańnia paviedamleńnia praz raźmieščany na sajcie ministerstva servis «Elektronny zvarot», — rastłumačyli śpiecyjalisty.
Darečy, siońnia ŭžo bolš za 11 tysiač hramadzian apaviaścili padatkovyja orhany ab pravie na vyzvaleńnie ad vypłaty zboru.
Ciapier ad vypłaty padatku na darmajedstva vyzvalenyja šmatdzietnyja maci i tyja, chto vychoŭvaje dziaciej va ŭzroście da 7 hadoŭ, a taksama žančyny, jakija dahladajuć dzicia-invalida va ŭzroście da 18 hadoŭ. A prysiadzibny ŭčastak pakul što vyzvalaje ad vypłaty padatku tolki žycharoŭ sielskich nasielenych punktaŭ i pasiołkaŭ haradskoha typu.
Ciapier čytajuć
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA11
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary