Apieratar MTS 14 kastryčnika pavysić košt pasłuh u šerahu taryfnych płanaŭ mabilnaj suviazi.
Jak paviedamlajecca na sajcie MTS, źmieny — u zaležnaści ad taryfu — zakranuć pamier abanienckaj płaty, a taksama košt zvankoŭ pa Biełarusi i SMS-paviedamleńniaŭ. Taryfy na internet-pasłuhi i pasłuhi suviazi ŭ roŭminhu zastanucca raniejšymi.
Na taryfnych płanach «Blizki. Dla piensijanieraŭ», «Lohka skazać», «MTS SMART Haściavy», «Ultra» i «Absalut» źmianieńniaŭ u pamiery štomiesiačnaj płaty nie adbudziecca. Taryfy na zvanki abanientam MTS i klijentam inšych biełaruskich apierataraŭ na prapanovach «Blizki. Dla piensijanieraŭ» i «Vydatny» taksama zastanucca niaźmiennymi. Akramia hetaha, karektyvy ŭ košcie razmoŭ u sietcy MTS nie zakranuć šerah archiŭnych taryfnych płanaŭ i ŭsie taryfy papularnaj liniejki «MTS SMART».
Paviedamlajecca, što ŭ suviazi z data-transfarmacyjaj u karparatyŭnym siehmiencie i pierachodam na bolš prahresiŭnyja i adpaviednyja sučasnaj struktury spažyvańnia Voice&Data-taryfy «Razumny biznes» MTS zapuskaje akcyju ź fiksacyjaj biahučych taryfaŭ dla karparatyŭnych klijentaŭ da kanca 2016 hoda.
Z novymi taryfnymi prapanovami možna aznajomicca na sajcie kampanii MTS.
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ8
Kamientary