U Minskim suvoraŭskim vučyliščy źmiaścili śviatyja moščy, u tym liku admirała Ušakova, u miežach prahramy pa «ŭmacavańni Ruskaha voinstva»
Sajt biełaruskaha ekzarchata Ruskaj pravasłaŭnaj carkvy paviedamlaje, što 2 kastryčnika z udziełam mitrapalita Paŭła ŭ Minskim suvoraŭskim vučyliščy adbyłasia «ŭračystaja sustreča kaŭčeha z čaścicami moščaŭ Hieorhija Pabiedanosca, Dźmitryja Sałunskaha i Fieadora Ušakova». Apošni — heta rasijski admirał, abvieščany miascova šanavanym śviatym u Mardovii.
Mierapryjemstva adbyłosia z dabrasłaŭleńnia maskoŭskaha patryjarcha i adrazu pa dźviuch linijach: u miežach supracoŭnictva Ruskaj pravasłaŭnaj carkvy i biełaruskaha Ministerstva abarony, a taksama ŭ miežach rasijskaj prahramy pa «Duchoŭnym umacavańni rasijskaha voinstva», jakuju pravodzić «Usiaśvietny ruski narodny sabor».
Hetyja «moščy» majuć zastacca ŭ chramie na terytoryi vučelni jak padarunak ad hramadskaha abjadnańnia «Maskoŭskija suvoraŭcy» i Dabračynnaha fondu śviatoha pakutnika Vanifacija.
Treba nadać uvahu darycielam — fondu pakutnika Vanifacija, pradstaŭlenaha ŭ Minsku «vice-prezidentam» Natallaj Mieziencavaj.
Nieŭzabavie paśla anieksii Kryma fond pakutnika Vanifacija padaryŭ tyja ž samyja «moščy» i Čarnamorskamu fłotu Rasii, što mieścicca ŭ Sievastopali.
Potym fond pajechaŭ va Ukrainu, na terytoryju niepryznanaj «Łuhanskaj respubliki», dzie kiraŭniki fondu — tyja ž samyja ludzi, što byli ŭ Minsku — mieli sustreču z kiraŭnikom «ŁNR» Płatnickim.
Jany pryvieźli ŭ dar Łuhansku abrazy, kab «hetaj chryścijanskaj volaj i śviatyniaj dapamahčy Navarosii, Łuhanskaj narodnaj respublicy i Danieckaj narodnaj respublicy stać na nohi».
Taksama ŭ budynku Łuhanskaj fiłarmonii Natalla Mieziencava «ŭ znak pryznańnia» ŭznaharodžvała «miedalami» fondu «tych hierojaŭ, jakija ŭpryhožyli svaimi podźvihami Łuhanskuju ziamlu».
Całkam razmovu Płatnickaha i Mieziencavaj možna pahladzieć na videa.
Aproč taho, hety fond vydaje dziciačyja bukvary «DNR», a taja Mieziencava dzie tolki ni śviaciłasia — navat inśpiektavała vytvorčaść trub na Danbasie i zajaŭlała rasijskim ŚMI ab adkryćci handlovych damoŭ u «DNR».
Z prośbaj patłumačyć patrebu ŭ źmiaščeńni moščaŭ «Naša Niva» datelefanavałasia da Suvoraŭskaha vučylišča, ale tamtejšy ideołah, pałkoŭnik Dźmitryj Vierabiej kinuŭ trubku z paradaj źviartacca pa kamientaryj da carkvy.
A načalnik hałoŭnaha ideałahičnaha ŭpraŭleńnia Ministerstva abarony, da jakoha adnosicca MSV, Uładzimir Makaraŭ, trojčy paŭtaryŭ, što mierapryjemstva adbyłosia «u miežach realizacyi pahadnieńnia ab supracoŭnictvie pamiž Pravasłaŭnaj carkvoj i Uzbrojenymi siłami i ŭ miežach zakonu «Ab svabodzie sumleńnia».
Na pytańnie, dzie ŭ čas pravasłaŭnaha malebna byli dzieci inšych vieravyznańniaŭ, Makaraŭ adkazu nie daŭ, skazaŭšy, što nijakich relihijnych supiarečnaściaŭ u vojsku niama.
-
«Hety chłopiec, vidać, padasłany — u jaho boty načyščanyja»: Sieviaryniec raskazaŭ historyju źjaŭleńnia Daškieviča ŭ «Maładym froncie»
-
«Ja ciapier całkam inšy čałaviek». Piśmieńnica Śviatłana Kurs pra rak i svaju fiłasofiju žyćcia
-
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda2
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary