Pra heta žurnalistam paviedamiŭ hienieralny dyrektar «Harremaŭtadora Minharvykankama» Maksim Biełavus, paviedamlaje BiełTA
Fota: BiełTA
U vychodnyja supracoŭniki pradpryjemstva pracavali va ŭzmocnienym režymie. «Byŭ arhanizavany dadatkovy vychad ludziej: kala 300‑350 čałaviek pracavali ŭ źmienu, što składaje prykładna 700 čałaviek u sutki. Taksama było zadziejničana kala 750‑800 adzinak techniki za sutki. U hetyja vychodnyja było vyvieziena kala 55 tysiač kubičnych mietraŭ śniehu», — raskazaŭ jon.
Hiendyrektar dadaŭ, što na apracoŭku prajezdžaj častki było vykarystana 6,3 tysiačy ton solevych sumiesiaŭ i 3 tysiačy ton piasčana-solevych sumiesiaŭ.
Da nastupnych marazoŭ taksama hatovy. «Pry nizkich admoŭnych tempieraturach śnieh zvyčajna nie idzie z toj intensiŭnaściu, jakaja nazirałasia ŭ hetyja śviatočnyja dni, tamu my rychtujemsia pracavać u płanavym režymie», — skazaŭ Maksim Biełavus i dadaŭ, što pa nieabchodnaści buduć pryciahnutyja dadatkovyja siły.
Ciapier čytajuć
Śviatłana Cichanoŭskaja zaviała treds. Što joj pišuć biełarusy?2
Kamientary