Sotniam tysiač žycharoŭ prybiarežnych rajonaŭ u Fłarydzie i Paŭdniovaj Karalinie zahadana evakujavacca ŭhłyb kantynienta z pryčyny nabližeńnia ŭrahanu «Mećju» da ŭschodniaha ŭźbiarežža ZŠA.
«Heta surjozny štorm», — pieraściaroh prezident ZŠA Barak Abama, dadaŭšy, što jaho ŭdar ranicaj u čaćvier budzie mieć surjoznyja nastupstvy dla Fłarydy.
Tym časam z Paŭdniovaj Karaliny pastupajuć paviedamleńni ab transpartnych zatorach u vakolicach horada Čarlstana, žychary jakoha sprabujuć jak najchutčej pakinuć niebiaśpiečny rajon.
Ciapier pad ŭdarami ŭrahanu, jakomu nadadzienaja treciaja katehoryja niebiaśpieki, znachodziacca Bahamskija vyspy.
Raniej «Mećju» abrynuŭsia na Haici, pakinuŭšy paśla siabie pałasu razbureńniaŭ, pazbaviŭšy tysiačy žycharoŭ prytułku nad hałavoj i zabraŭšy žyćci jak minimum dvaich čałaviek.
Na šlachu hihanckaha ŭrahanu apynułasia taksama Kuba. Pavodle papiarednich dadzienych, tam jaho nastupstvy akazalisia nie takimi spustašalnymi, jak na Haici, adnak niekatorym pabudovam u pravincyi Huantanama była naniesienaja adčuvalnaja škoda.
Mietearołahi ličać, što ŭrahan praniasiecca nad usimi Bahamskimi vyspami i dasiahnie ŭschodniaha ŭźbiarežža Fłarydy ŭ čaćvier u druhoj pałovie dnia.
Niahledziačy na toje, što jaho katehoryja była źnižana z čaćviortaj da treciaj, trapičny cykłon, jaki pavolna ruchajecca ŭ paŭnočna-zachodnim kirunku, pa-raniejšamu supravadžajecca ŭrahannymi viatrami, chutkaść jakich dasiahaje 185 km/h.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j15
Kamientary