Śledčy kamitet vyśviatlaje akaličnaści DTZ u Ivacevickim rajonie z udziełam bajavoj mašyny.
Jak paviedamiła aficyjny pradstaŭnik upraŭleńnia Śledčaha kamiteta pa Bresckaj vobłaści Maryna Drańkova, 10 kastryčnika kala 21.40 na 166-m km aŭtadarohi Brest — Minsk — miaža Rasijskaj Fiederacyi adbyłosia sutyknieńnie aŭtamabila «Reno-Trafik» z bajavoj mašynaj BAZ.
Pavodle papiarednich dadzienych, vajennaja technika ŭ toj momant ažyćciaŭlała manieŭr razvarotu, vyjechaŭšy na pałasu sustrečnaha ruchu praz raździalalnuju pałasu.
U vyniku DTZ dvoje pasažyraŭ lehkavoha aŭtamabila 1986 i 1984 hadoŭ naradžeńnia ź cialesnymi paškodžańniami špitalizavany ŭ Ivacevickuju centralnuju rajonnuju balnicu. Kiroŭca «Reno» nie paciarpieŭ. Usie jany — hramadzianie Polščy.
Vajennasłužačyja traŭmaŭ nie atrymali.
Pa hetym fakcie śledčym upraŭleńniem USK pa Bresckaj vobłaści sumiesna ź Ivacevickim rajonnym adździełam Śledčaha kamiteta pravodzicca pravierka.
Dla vyśviatleńnia ŭsich akaličnaściaŭ taho, što adbyłosia, apytanyja kiroŭca lehkavoha aŭtamabila i ekipaž bajavoj mašyny, pryznačana aŭtatechničnaja, transpartna-trasałahičnaja i sudova-miedycynskija ekśpiertyzy.
Paśla vyznačeńnia stupieni ciažkaści cialesnych paškodžańniaŭ budzie vyrašacca pytańnie ab raspačynańni kryminalnaj spravy.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j21
Kamientary