Na spravazdačna-vybarčaj kanfierencyi Ruchu za pasadu kiraŭnika zmahalisia try kandydaty: namieśniki staršyni Juraś Hubarevič i Aleś Łahviniec, i taksama aktyvist Aleś Taŭstyka.
Paśla hałasavańnia stała viadoma, što Hubarevič pieramoh ź minimalnaj pieravahaj: 59 hałasoŭ atrymaŭ jon, 51 — Aleś Łahviniec. Aleś Taŭstyka nabraŭ 2 hałasy.
«Naturalna, ja zadavoleny pieramohaj, — paviedamiŭ «Našaj Nivie» Juraś Hubarevič. — Ja baču, što jość kankurencyja i heta treba ŭličvać u budučaj pracy. Ale, dumaju, ludzi prychodziać u Ruch nie pad niejkuju asobu, a pad ahulnyja spravy i ahulnuju ideju. Dla mianie jak dla staršyni ciapier važna budzie pačuć kožnaha i dać kožnamu tuju pracu, jakuju čałaviek choča i zasłuhoŭvaje».
U svaim vystupie pierad hałasavańniem Hubarevič zahadzia prapanoŭvaŭ Łahvincu pasadu pieršaha namieśnika.
«Budziem pracavać dalej, ja ž ruchaviec. Što tyčycca prapanovy ab namieśnictvie — my zaraz raimsia pra heta», — prakamientavaŭ parazu Łahviniec.
Alaksandr Milinkievič prakamientavaŭ vyniki vybaraŭ staršyni Ruchu «Za Svabodu»
Pra Łahvinca, Kanapackuju i svaju palityčnuju maru — vialikaja hutarka ź Jurasiom Hubarevičam
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki11
Kamientary