Kryminalnaja sprava pa fakcie daviadzieńnia da samahubstva niepaŭnaletniaha raspačataja ŭ Bresckaj vobłaści. Pra heta paviedamiŭ siońnia na pres-kanfierencyi načalnik upraŭleńnia Śledčaha kamiteta pa Bresckaj vobłaści Alaksandr Rachmanaŭ, piša BiełTA.
«U Centralnym aparacie Śledčaha kamiteta pryniataje rašeńnie ab farmavańni novych padychodaŭ da pravierki, acenki i pracy z materyjałami pa faktach suicydaŭ albo zamachu na suicydy niepaŭnaletnich. My pamianiajem formu pracy takim čynam, što ŭ kožnym vypadku samahubstva albo zamachu niepaŭnaletniaha na suicyd budziem zavodzić kryminalnyja spravy. Takaja praktyka na terytoryi vobłaści ŭžo jość. U Biarozaŭskim rajonie raspačataja kryminalnaja sprava pa fakcie daviadzieńnia da samahubstva. Była sproba dziaŭčyny skončyć žyćcio samahubstvam», — skazaŭ Alaksandr Rachmanaŭ.
Kryminalnaja sprava raspačataja 23 kastryčnika pa č.2 st.145 (daviadzieńnie da samahubstva ŭ dačynieńni da zaviedama niepaŭnaletniaha) KK. Z abstavin spravy viadoma, što 22 kastryčnika vučanica vośmaha kłasa adnoj sa škoł pastupiła ŭ miedustanovu ź miedykamientoznym atručeńniem. Dziaŭčynku ŭdałosia vyratavać.
Novaja praktyka ŭ rasśledavańni padobnych spraŭ, pa słovach načalnika USK, pašyraje mahčymaści śledčych. «U nas šyroka mianiajecca pieralik śledčych dziejańniaŭ, jakija my možam pravodzić. Adpaviedna pavialičvajucca našy mahčymaści dla vyśviatleńnia sapraŭdnych abstavin zdareńnia. Asnoŭnaja naša zadača — maksimalna skrupulozna vyśvietlić usie abstaviny, jakija papiaredničali suicydu niepaŭnaletniaha abo takomu zamachu, i pryniać miery, kab apiaredzić inšyja padobnyja situacyi», — padkreśliŭ načalnik USK.
Kamientary