«Mis Ziamla — 2016» stała 23-hadovaja ekvadorka, jakaja ŭ minułym pakutavała na paralič niervaŭ tvaru
Pieramožcam sioletniaha konkursu «Mis Ziamla» stała ekvadorka Kataryna Eśpin.
Dziaŭčynie 23 hady. U ankiecie na sajcie havorycca, što ŭ dziacinstvie jana pakutavała na paralič niervaŭ tvaru.
Kali ŭ jaje spytali, što jana moža raskazać pra svaju krainu, taja pachvaliła ekvadorskija ŭłady, «jakija kłapociacca pra navakolle i vydali šmat zakonaŭ, kab abaranić pryrodnuju i kulturnuju spadčynu dziaržavy».
«Mis Ziamla» (anhł. Miss Earth) — adzin z čatyroch najbujniejšych mižnarodnych konkursaŭ pryhažości, pry hetym samy małady ź ich, piša top-antropos.com. Pieršy konkurs «Mis Ziamla» adbyŭsia ŭ 2001 hodzie, inšyja ž prestyžnyja konkursy pryhažości mieli da taho času salidnuju historyju: «Mis śvietu» pravodzicca z 1951 hoda, «Mis Suśviet» — z 1952, «Mis Internešnł» — z 1960. «Mis Ziamla» adroźnivajecca ad padobnych konkursaŭ svajoj jaŭnaj ekałahičnaj skiravanaściu: žury aceńvaje nie tolki źniešni vyhlad udzielnic, ale ich ekałahičnuju prahramu. Pieramožca konkursu «Mis Ziamla» na praciahu hoda aktyŭna ŭdzielničaje ŭ mierapryjemstvach pa achovie navakolnaha asiarodździa.
Konkurs «Mis Ziamla» pravodzicca na Filipinach. Adzinaje vyklučeńnie — 2010 hod, kali konkurs prajšoŭ u Vjetnamie.
Kamientary