Daškievič adkazaŭ Davydźku

Lidar maładafrontaŭcaŭ Źmicier Daškievič napisaŭ u fejsbuku adkaz staršyni Biełteleradyjokampanii Hienadziu Davydźku i dyrektaru BiełTA Dźmitryju Žuku.

Nahadajem, kiraŭniki dziaržaŭnych ŚMI druhi tydzień zapar u prahramie «Kłub redaktaraŭ» praciahvajuć abmierkavańnie akcyi maładafrontaŭcaŭ, jakija sabrali bolš za 10 tysiač podpisaŭ za nadańnie bieł-čyrvona-biełamu ściahu statusu historyka-kulturnaj kaštoŭnaści.

* * *

Prusaki Žuka i žuki Davydźki

Ničoha nie parobiš z tym, što ŭ hałovach mnohich ludziej poŭzaje bieźlič kazurak.

— U jaho poŭna prusakoŭ u hałavie, — tłumačyć adzin nieadekvatnyja dziejańni kahości.

— U jaho adny žuki ŭ hałavie, — apisvaje druhi varjackija zajavy inšaha.

Kali takija indyvidumy traplajucca pa adnoj asobinie, heta jašče paŭbiady — ich možna abminuć. Kali dzivośniki źbivajucca ŭ kuču — heta ŭžo pieraškadžaje žyć. U vypadku ž, jak paduładnyja kazurkam asobiny zajmajuć hałoŭnyja pasady ŭ krainie — stanovicca pakutliva baluča za zmarnavanyja 22 hady. Na varjataŭ, kaniešnie, možna było b nie źviartać uvahi, ale kazurkavaja zaležnaść pieradajecca nia tolki BeTešna-pałavym šlacham, ale i pavietrana-kropielnym — i tamu joj treba supraćstać z usioj adkaznaściu. Dyk pasprabujem kłasyfikavać kazurak, jakija paleźli ŭ vušy elektaratu paśla taho, jak my ź niekalkimi siabrami sabrali za miesiac i padali ŭ Minkult bolš za 10 tysiač podpisaŭ za bieł-čyrvona-bieły ściah.

Bolš za ŭsio naśmiašyli prusaki kiraŭnika BiełTA Dźmitryja Žuka, jakija admarozili nastupnaje: «Chaču viarnucca da podpisaŭ. Chłopcy, jakija padpisalisia, moža, vy jašče i svaje pašpartnyja dadzienyja skazali? Dyk za kahości kredyt zapłacicie. Nie śpiašajciesia padpisvacca».

Čamu ŭ prusakoŭ uźnikajuć takija chvoryja asacyjacyi? Bo Žuki pryvykli, što paśla kožnaj vybarčaj kampanii za Łukašenku — uvieś narod raspłačvajecca pa jahonych kredytach. My ž nijakich hrošaŭ i kredytaŭ nie biarom ani ŭ Sani, ani ŭ lubych donaraŭ — my žyviem i realizujem maładafrontaŭskuju dziejnaść tolki za svaje hrošy, tolki za ŭnioski siabraŭ arhanizacyi. U adroźnieńnie, darečy, ad Žukoŭ, jakija čym chiba nia kruciać pierad Rasiejaj ci MVFam — aby tolki ŭrvać z čužoj kišeni. A numary pašpartoŭ, darečy, my nie pierapisvali — tolki adras i kantakty, kab možna było pravieryć podpis čałavieka.

Žuki ž kiraŭnika BTRK Hienadzia Davydźki spačatku raspaviali nam svaje dziciačyja fobii: «Farmalna podpisy źbiralisia dla pieradačy ŭ Minkultury. /…/ Chutčej za ŭsio, hetaja papiarovaja armija patrebna była, kab zatym tykać dziesiaćciu tysiačami podpisaŭ u tvar jeŭračynoŭnikam».

Tłumaču ruparu prapahandy: podpisy i farmalna, i faktyčna — užo ŭ Minkulcie. Adnosna ž jeŭračynoŭnikaŭ, dyk ja miarkuju, što siońniašnija Davydźki ź imi sustrakajucca ŭ naccać razoŭ čaściej, čym maładafrontaŭcy. Naprykład, ja i pryhadać nie mahu, kali ja ci niechta z MF sustrakaŭsia ź jeŭračynavienstvam (u siońniašnim palityčnym handli nam takija sustrečy i nie cikavy navat), a voś jak vynikaje z davydźkaŭskich ža ŚMI, roznaha płanu prapahandysty i klerki dyktatara z takich sustrečaŭ nie vyłaziać. Tamu kali chto i tykaje čym pierad jeŭračynoŭnikami, dyk heta tolki Davydźki.

Dalej žuki Davydźki pajšli ŭ nastup i vyrašyli nam choć zdalok, ale ž pryhrazić: «Niechta padpisvaŭsia za vielmi pryhožaje spałučeńnie: bieły, čyrvony i bieły — pryhožy ściah. /…/ Siarod padpisantaŭ moh by być i ja, i Pavał Izotavič /…/ Ale ciaham miesiaca niezarehistravanyja maładafrontaŭcy parušali kryminalny kodeks — artykuł 193 p.1, da dvuch hadoŭ /…/ Čamu ich nie pasadzili?! /…/ Bajacca?»

Davydźku, jak kiraŭniku biełprapahandy, treba navučycca pravilnaści farmulovak. Maładafrontaŭcaŭ nia prosta «bajacca» sadžać za dziejnaść ad imia niezarehistravanaj arhanizacyi, ale maładafrontaŭcy advajavali sabie hetaje prava — čchać na artykuł KK RB 193.1 i dziejničać. Nahadaju prapahandystu, što Małady Front niekalki razoŭ sprabavaŭ u Biełarusi zarehistravacca, ale šmatrazova atrymoŭvaŭ admovy. U 2006-m ža hodzie pačaŭsia kryminalny pieraśled: dziasiatki aktyvistaŭ pad spravami, sudziliščy ŭ Miensku, Salihorsku, Niaśvižy, Žłobinie, Połacku, Baranavičach — usio heta nie prymusiła nas samaraspuścicca i systema adstupiła. 

Niepavažany spadar Davydźka, my advajavali sabie prava być i dziejničać na svajoj ziamli — i jak by vy ni pyžylisia, u vas i vašaj systemy kiška tanka ŭ nas hetaje prava zabrać. Bo ŭsio, čym vy mocnyja, dyk tolki prusakami vašymi i žukami. Ale i tych my chutka vytravim z našaj ziamli.

• 0
• 0
• 0
• 0
• 0
• 0
• 0
• 0