Na vybarach prezidenta ZŠA kandydat ad demakrataŭ Chiłary Klintan apiaredziła respublikanca Donalda Trampa bolš čym na 1 młn padadzienych hałasoŭ vybarščykaŭ. Pra heta śviedčać dadzienyja padlikaŭ, jakija pryvodzić vydańnie Politico.
Pavodle hetych dadzienych, za Klintan padali hałasy bolš za 61,963,234 čałaviek, u toj čas jak za Trampa — 60,961,185. Vydańnie adznačaje, što praces padliku hałasoŭ ŭsio jašče nie zavieršany ŭ štatach Kalifornija, Juta i Vašynhton, a dadzienyja ź Mičyhana dahetul niedastupnyja.
U toj ža čas Tramp zachoŭvaje lidarstva pa kolkaści hałasoŭ vybarščykaŭ. Jon nabraŭ 290 z 270 nieabchodnych hałasoŭ, tady jak u Klintan — usiaho 232 hałasy.
Anałahičnaja situacyja adbyłasia ŭ ZŠA ŭ 2000 hodzie, kali prezidentam staŭ respublikaniec Džordž Buš-małodšy. Tady jaho sapiernik ad Demakratyčnaj partyi Eł Hor apiaredziŭ jaho na 540 tysiač hałasoŭ.
Kamientary