«Pieršy błok Biełaruskaj AES my pavinny ŭvieści ŭ 2019 hodzie», — paviedamiŭ vice-premjer Uładzimir Siamaška 16 listapada ŭ Astraŭcy (Hrodzienskaja vobłaść).
Pavodle jaho słoŭ, jak i pry luboj budoŭli, zdarajucca niepradbačanyja abstaviny. «Da niadaŭniaha času my išli dakładna pa hrafiku, pa druhim [błoku] — z apiaredžańniem u siem-vosiem miesiacaŭ. Ale zdaryłasia, što ŭsim viadoma, kali pa nieaściarožnaści vykanaŭcaŭ jany, hruba kažučy, vypuścili korpus hetaha reaktara», — zaznačyŭ Siamaška.
Jon paviedamiŭ, što było pryniata rašeńnie zamianić korpus. «U takim vyhladzie korpus reaktara nielha vykarystoŭvać, tamu što my razumiejem, što dla Biełarusi asabliva aktualna: biaśpieka — vyšej za ŭsio. Kali jość mizerny sumnieŭ, to treba mianiać. Tamu naša rašeńnie było pryniataje, i ź im pahadzilisia», — skazaŭ vice- premjer.
Pavodle infarmacyi Siamaški, prybyćcio novaha korpusa, jaki byŭ vyrableny dla druhoha enierhabłoka, čakajecca ŭ kancy 2016 hoda. «My ličym, što viasnoj nastupnaha hoda budzie ŭstalavany korpus hetaha reaktara i ŭ 2019 hodzie pieršy enierhabłok pavinien być uviedzieny. Ale ssoŭvańnie ŭvodu pieršaha błoka nijakim čynam nie pavinna paŭpłyvać na ŭvod druhoha ŭ 2020 hodzie. Ź intervałam paŭhoda-hod buduć uviedzienyja dva błoki», — skazaŭ namieśnik kiraŭnika ŭrada.
Na pytańnie, ci zamoŭleny korpus dla druhoha reaktara, jon adkazaŭ: «Rasatam» — vialikaja kampanija, i jany viaduć šmat prajektaŭ. Pa takim ža prajekcie, što i biełaruski, užo jość praktyčna hatovy korpus. Toj, jaki ŭpaŭ, adnaznačna prymianiacca nidzie nie budzie».
Kažučy pra toje, chto budzie płacić za zamienu korpusa, Siamaška zajaviŭ: «Chto? Brakarob budzie. Chto zrabiŭ takija niedapuščalnyja chibnaści, toj i pavinien ŭsie vydatki apłacić za košt rasijskaha boku. Na ich žal».
Raniej mierkavałasia, što pieršy błok AES budzie ŭviedzieny ŭ stroj da 2018 hoda, druhi — u 2020-m. Korpus dla pieršaha reaktara upaŭ i atrymaŭ paškodžańni 10 lipienia 2016 hoda.
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli43
Alaksandr Łukašenka tak lasnuŭsia na lod na chakiei, što trybuny zamierli
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary