Dekada «Dziaržtechahlad» projdzie ŭ krainie z 21 pa 30 listapada.
U skład rejdavych hrup uvojduć supracoŭniki UP «Biełtechahlad» i Transpartnaj inśpiekcyi Mintransa, a taksama DAI. U pieršuju čarhu buduć spyniać transpart biez dazvolnaj naklejki na vietravym škle. Taksama buduć praviaracca transpartnyja srodki, jakija majuć vidavočnyja nieadpaviednaści pa źniešnim vyhladzie.
Kali vy jeździcie biez techahladu, rychtujciesia da štrafu ad adnoj da troch bazavych vieličyń pry pieršym na praciahu hoda parušeńni i ad dvuch da piaci — pry paŭtornym.
Asablivuju ŭvahu nadaduć praviercy sapraŭdnaści paznak u dakumientach. Budzie arhanizavany apieratyŭny dostup da elektronnych baz UP «Biełtechahlad». Za padrobku abo vykarystańnie padroblenych dakumientaŭ, štampaŭ, piačatak praduhledžana kryminalnaja adkaznaść až da pazbaŭleńnia voli.
Akramia niepasredna pravierki techahladu ŭdzielniki rejdu praviaduć prafiłaktyčnuju pracu pa abaviazkovym vykarystańni zimovaj humy z 1 śniežnia. Štraf za «abutak» nie pa siezonie pačynajecca z sumy ad 0,5 bazavaj vieličyni. Bolš za toje, pažadana, kab hłybinia reštkavaha malunka pratektara była bolš za 4 mm, a to znoŭ štraf.
Pavodle aficyjnaj statystyki, ihnarujuć praceduru dziaržtechahladu prykładna 23% aŭtaŭładalnikaŭ.
Kali zychodzić z ahučanych ličbaŭ ab pastupleńniach ź dziaržpošliny ŭ darožny fond, to parušalnikaŭ pavinna być kala 80%. Jak by tam ni było, rejdy pahražajuć niemałoj kolkaści kiroŭcaŭ štrafami.
Kolkaść aŭtaŭładalnikaŭ, jakija ihnarujuć vypłaty dziaržpošliny i prachodžańnia techahladu, pavialičyłasia amal na 11% u paraŭnańni ź minułym hodam. Pra heta paviedamiŭ namieśnik dyrektara UP «Biełtechahlad» Michaił Śvistun na pres-kanfierencyi. Michaił Śvistun adznačyŭ, što ŭ Biełarusi kolkaść aŭtaŭładalnikaŭ, jakija žadajuć prajści techahlad, źmienšyłasia pa vynikach za 10 miesiacaŭ.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj5
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary