ŚMI daviedalisia ab hanararach akcioraŭ u apošnich siezonach «Hulni tronaŭ»
Pa paraŭnańni ź pieršymi siezonami sieryjała hanarary vyraśli ŭ 3—4 razy.
Stali viadomyja pamiery hanararaŭ, jakija viadučyja akciory sieryjała «Hulnia tronaŭ», imavierna, atrymajuć za zdymki ŭ siomym i vośmym siezonach. Pra heta dakładvaje The Hollywood Reporter.
Pa infarmacyi vydańnia, akcioram Piteru Dynklejdžu (Tyryjon Łanister), Kitu Charynhtanu (Džon Snoŭ), Emilii Kłark (Dejenierys Tarharyjen), Lenie Chidy (Siersieja Łanister) i Mikałaju Koster-Valdanu (Džejmi Łanister) zapłaciać pa 1,1 miljona dalaraŭ za epizod. Pry hetym čakajecca, što ŭ siomym siezonie budzie siem sieryj, a ŭ vośmym — usiaho šeść.
U červieni partał Deadline pisaŭ, što ŭ 2014 hodzie ŭznaharodžańnie topavych akcioraŭ sieryjała składała kala 300 tysiač dalaraŭ. Paźniej źjaviłasia infarmacyja, što da apošnich siezonaŭ ich hanarary vyrastuć jak minimum da 500 tysiač dalaraŭ za sieryju.
Sumy ŭznaharodžańnia vykanaŭcaŭ inšych rolaŭ nie nazyvajucca.
Zdymki siomaha siezona sahi «Hulnia tronaŭ» pačalisia ŭ Ispanii ŭ kancy kastryčnika.
«Hulnia tronaŭ» — fentezi-sieryjał amierykanskaha kanała HBO, vychodzić ad 2011 hoda. Jaho litaraturnaj asnovaj stała sieryja knih Džordža Marcina «Pieśnia lodu i połymia».
Kamientary