Pierakid kompleksaŭ «Iskander» u Kalininhrad u Vašynhtonie nazvali padryvam jeŭrapiejskaj biaśpieki. Nijakija padziei ŭ Jeŭropie nie patrabujuć ad Maskvy padobnaj reakcyi, zajavili ŭ Dziarždepie.
Raźmiaščeńnie Rasijaj zienitnych rakietnych sistem S-400 i rakietnych kompleksaŭ «Iskander» u Kalininhradskaj vobłaści «destabilizuje jeŭrapiejskuju biaśpieku». Pra heta zajaviŭ u paniadziełak, 21 listapada, aficyjny pradstaŭnik dziarždepartamienta ZŠA Džon Kirbi.
«Rasija pahražała pierakinuć svaje kompleksy «Iskander» u Kalininhrad u jakaści reakcyi na roznyja padziei ŭ Jeŭropie, ni adna ź jakich nie patrabuje padobnaha adkazu», — zajaviŭ Kirbi. «My zaklikajem Rasiju ŭstrymacca ad słoŭ ci ŭčynkaŭ, jakija nie adpaviadajuć umacavańniu biaśpieki i stabilnaści», — dadaŭ taksama pradstaŭnik dziarždepartamienta.
U kastryčniku 2016 hoda ministerstva abarony RF paćvierdziła pierakid ATRK «Iskander-M» u Kalininhradskuju vobłaść. U zajavie aficyjnaha pradstaŭnika viedamstva Ihara Konašienkova havaryłasia, što Minabarony raniej nieadnarazova pierakidvaŭ «Iskandery» ŭ Kalininhradskuju vobłaść i maje namier rabić heta nadalej «u ramkach bajavoj padrychtoŭki».
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio46
Kamientary