Žurnalist «NN» Arciom Harbacevič atrymaŭ mižnarodnuju premiju za rasśledavańni dziejnaści kazakaŭ
Cyrymonija ŭznaharodžańnia adbyłasia 21 listapada ŭ Białhradzie.
Konkurs žurnalisckich rasśledavańniaŭ pravodzili Centralna-jeŭrapiejskaja inicyjatyva i Miedyja-arhanizacyja Paŭdniova-Uschodniaj Jeŭropy ŭ śpiecyjalnym partniorstvie ź Miedyja-prahramaj Paŭdniova-Uschodniaj Jeŭropy fondu imia Konrada Adenaŭera.
Pieramohu siarod «Maładych prafiesijnych žurnalistaŭ» prysudzili žurnalistu «Našaj Nivy» Arciomu Harbaceviču.
Jaho rasśledavańni «Voiny Chrysta»: jak asobnyja śviatary i aficery na Hrodzienščynie rychtujuć sałdataŭ «ruskaha śvietu» i «Biełaruskich školnikaŭ adpraŭlali ŭ Rasiju ŭ trenirovačnyja łahiery pad kiraŭnictvam nieanacystaŭ» pryznali najlepšymi.
U svajoj pramovie Arciom skazaŭ, što rasśledavańnie pra vyvaz dziaciej vymahała niekalkich miesiacaŭ zboru infarmacyi. Jak vynik — hramadstva i siłavyja struktury źviarnuli ŭvahu na dziejnaść prarasijskich militaryzavanych i nieanacysckich arhanizacyj u Biełarusi.
U naminacyi «Prafiesijnyja žurnalisty» pieramahła ałbanskaja žurnalistka Lidzita Čeła. Joj prysudzili ŭznaharodu za rasśledavańni, u jakich vykryvalisia karupcyjnyja skandały ŭ vyšejšych ešałonach ułady. A taksama za adkryćci ŭ baraćbie z arhanizavanymi złačynnymi hrupoŭkami Ałbanii.
-
Pracujecie ŭ Polščy abo Litvie? Padtrymajcie «Našu Nivu» — dla vas heta całkam biaspłatna, a my zmožam zrabić bolš dla Biełarusi i biełaruščyny!
-
Kali vy pracujecie ŭ Polščy, to možacie za chvilinu padtrymać «Našu Nivu» 1,5% padachodnaha, nie patraciŭšy ani hroša. Voś jak
-
Pracujecie ŭ Litvie? Padtrymajcie «Našu Nivu» — dla vas heta całkam biaspłatna, a my zmožam zrabić bolš dla Biełarusi i biełaruščyny!
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Kamientary