Japonski park paabiacaŭ ušanavać pamiać zamarožanych u koŭzancy ryb
Tematyčny park u Japonii zakryŭ koŭzanku z umierzłaj u lod rybaj, atrymaŭšy skarhi na niepavahu da žyvioł. Kiraŭnictva parka paabiacała pravieści žałobnuju cyrymoniju pa miortvych rybach, jakich u lodzie akazałasia bolš za 5 tysiač. Pra heta piša VVS.
Park Space World u Kitakiusiu ŭ svajoj zajavie paprasiŭ prabačeńnia za koŭzanku, u jakoj dziela ŭpryhažeńnia była zamarožanaja ryba. «My atrymali šmat paprokaŭ — takich jak «vykarystoŭvać žyvioł dla zabavy drenna» i «biednyja ryby», — havorycca ŭ dakumiencie.
Hienieralny mieniedžar parku Tašymi Takieda paviedamiŭ ahienctvu Frans pres, što park praviadzie miemaryjalnuju cyrymoniju pa miortvych žyviołach.
Pradstaŭnik Space World raspavioŭ, što koŭzanka zakrytaja ź niadzieli, i ryb płanujecca dastać ź lodu. «My płanujem pryvieści koŭzanku ŭ narmalny stan», — skazaŭ jon, dadaŭšy, što koŭzanka znoŭ zapracuje ŭ śniežni, ale nie ŭdakładniŭ, kali mienavita.
Koŭzanka z zamarožanymi rybami adkryłasia ŭ parku raniej u listapadzie. Miarkujučy pa fatahrafijach sa staronki parku ŭ fejsbuku, častka ryb umierzła ŭ lod napałovu, inšyja źmierźli pad lodam kasiakom u vyhladzie strały, niekatoryja — u formie śpirali.
Choć kiraŭnictva parka i tłumačyła, što nabyło na aptovym rynku miortvuju i nieprydatnuju da ŭžyvańnia rybu, atrakcyjon raskrytykavali ŭ internecie. Na staroncy parku ŭ fejsbuku karystalniki zavalili Space World niehatyŭnymi vodhukami.
«Pra što vy, ludzi, dumali, vykarystaŭšy miortvuju rybu jak upryhažeńnie dla hulniavoj placoŭki?» — zadaŭsia pytańniem adzin ź niezadavolenych. Inšy kamientatar nazvaŭ koŭzanku «hańbaj Japonii».
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary