Kalumbijskija paŭstancy ŭtrymlivali ŭ pałonie byłuju senatarku, hramadzianku Francyi, ciaham šaści hadoŭ!
Padčas aperacyi kalumbijskich vojsk taksama byli vyzvalenyja paŭtara dziasiatki zakładnikaŭ, u tym liku 11 słužačych kalumbijskich sił biaśpieki i troje hramadzian ZŠA, zachoplenych u 2003 h., kali ŭ džunhlach paciarpieŭ katastrofu ich samalot.
Usie hetyja ludzi ŭtrymlivalisia hrupoŭkaj «Revalucyjnyja ŭzbrojenyja siły Kalumbii» (FARK), jakija ciaham 40 hadoŭ viaduć ŭzbrojenuju baraćbu z Bahatoj.
Inhryd Betankur, hramadzianka Kalumbii i Francyi, była samym viadomym zakładnikam FARK. Jaje vyzvaleńnia dabivaŭsia taksama ŭrad Francyi.
Ministar abarony Kalumbii zajaviŭ, što padčas aperacyi ŭ pravincyi Huaŭjare na poŭdni krainy nichto nie paciarpieŭ, stan zdaroŭja ŭsich zakładnikaŭ adnosna prymalny. Miž tym,pra Betankur viadoma, što ŭ jaje byli surjoznyja prablemy ź piačonkaj, prynamsi, na apošnim videa jana vyhladała vielmi niezdarovaj.
Tym nia mienš, u interviju Assošyejted pres Betankur acharaktaryzavała svajo vyzvaleńnie jak «samy lepšy dzień majho žyćcia».
Pośpiech Bahaty i radaść Paryžu
Pra pośpiech sił biaśpieki ciapier mnoha buduć kazać, pakolki jon ŭ značnaj stupieni spraščaje stanovišča prezydenta Alvara Urybe.
Šmat chto patrabavaŭ ad Urybe pieramovaŭ z FARK, adnak jon ciapier z novaj siłaj voźmiecca za praviadzieńnie suprać hrupoŭki vajennaha nastupu, ideju hetu padtrymlivaje Vašynhton.
Aproč taho, viestka pra vyzvaleńnie Betankur budzie ź vialikam entuzijazmam sustreta prezydentam Francyi Nikala Sarkazi, jaki zrabiŭ zadaču jaje vyzvaleńnia adnym z pryjarytetaŭ svajoj zamiežnaj palityki.
U pačatku hetaha hodu ministar zamiežnych spraŭ Francyi Bernar Kušner specyjalna jeździŭ ŭ Łacinskuju Ameryku, kab zaviazać stasunki ź liderami rehijonu, jakija vałodali dastatkovym upłyvam i byli zdolnyja sadziejničać vykanańniu hetaj zadačy.
Inhryd Betankur naradziłasia 25 śniežnia 1961 h. u Paryžy. Vyrasła ŭ Paryžy. U 1989 h. viarnułasia ŭ Kalumbiju. U 1994 h. była abrana ŭ parlament, u 1998 h. stała senataram, u 2002 h. była vykradziena bajevikami FARK.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii3
Kamientary