Supracoŭniki padraździaleńnia pa narkakantroli i supraćdziejańni handlu ludźmi Miadzielskaha RAUS zatrymali dziaŭčynu, jakuju padazrajuć va ŭciahvańni zaviedama niepaŭnaletniaj u zaniatak prastytucyjaj, paviedamlaje pres-słužba minskaj abłasnoj milicyi.
Jak raspaviali ŭ padraździaleńni, u milicyju źviarnułasia 21-hadovaja dziaŭčyna. Jana prasiła pravaachoŭnikaŭ dapamahčy jaje niepaŭnaletniaj 17-hadovaj znajomaj, jakuju niby abrabavali. Nieŭzabavie źjavilisia cikavyja padrabiaznaści.
17-hadovaja dziaŭčyna — jana navučenka kaledža — žyvie z maci. Z-za ciažkaha materyjalnaha stanovišča dziaŭčynie davodziłasia časam pazyčać hrošy ŭ hetaj samaj znajomaj.
Starejšaja siabroŭka prydumała sposab chutkaha viartańnia doŭhu. Bieź viedama niepaŭnaletniaj starejšaja siabroŭka raźmiaščała na sajtach znajomstvaŭ ankiety ź jaje fatahrafijami. Pazicyjanavała dziaŭčynu jak 19-hadovuju maładuju asobu, jakaja akazvaje seksualnyja pasłuhi.
Kali znachodziŭsia klijent, dziaŭčyna damaŭlałasia pra čas i miesca sustrečy. Va ŭmoŭlenaje miesca jana pryvodziła svaju niepaŭnahadovuju znajomuju, paviedamiŭšy joj pra mety sustrečy.
Źniešnaść dziaŭčyny nie pakazvała na jaje niepaŭnalećcie, tamu pytańniaŭ u klijentaŭ nie ŭźnikała. Atrymaŭšy hrašovyja srodki za akazanyja pasłuhi, dama sychodziła.
Adna z takich sustreč i skončyłasia «rabavańniem».
U dom pryjšli jaho haspadary (i pa sumiaščalnictvie baćki suteniorki). Niezadavoleny klijent zapatrabavaŭ viarnuć hrošy, adnak hrošaj u dziaŭčyny nie było, bo ich adrazu ž zabirała jaje siabroŭka-suteniorka.
Tady klijent adabraŭ u dziaŭčyny sumačku, paabiacaŭšy viarnuć, jak tolki jana ź im raźličycca. Heta i pryviało ŭsiu kampaniju ŭ milicyju.
U dačynieńni da zvodnicy zaviedzienaja kryminalnaja sprava pa faktach uciahvańnia i vykarystańnia dla zaniaćcia prastytucyjaj zaviedama niepaŭnaletniaj. Pakarańnie, praduhledžanaje za dadzienaje złačynstva, składaje da dziesiaci hadoŭ pazbaŭleńnia voli z kanfiskacyjaj majomaści. Pravodzicca rasśledavańnie.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio47
Kamientary