24 lutaha 2017 h. u «Prajm-chole» ŭ Minsku maje prajści kancert kultavaha prajekta 1990-ch «Narodny albom». Pra heta paviedamiŭ u svaim fejsbuku pradziusar Uładzimir Šablinski.
«Ahienctvam «Šabli» atrymana hastrolnaje paśviedčańnie na praviadzieńnie ŭ «Prajm chole» kancertu «Narodny albom». Ja vykazvaju ŭdziačnaść kiraŭnictvu placoŭki za zaklučanuju damovu arendy, Hałoŭnamu ŭpraŭleńniu ideałahičnaj raboty, kultury i pa spravach moładzi Minharvykankama - za ŭzhadnieńnie mierapryjemstva. U hod kultury — bolš kulturnych padziej!», — napisaŭ jon.
Uvosień 2016 h. adznačałasia 20-hodździe «Narodnaha alboma» — adnaho za najbolš viadomych i upłyvovych biełaruskich muzyčnych prajektaŭ.
U prajekcie (aŭtar vieršaŭ — Michaił Aniempadystaŭ) raskazvałasia pra žyćcio zachodniebiełaruskaha miastečka ŭ 1920-1930-ch.
U prajekcie śpiavali Lavon Volski, Źmicier Vajciuškievič, Alaksandr Pamidoraŭ, Vieranika Kruhłova, Kasia Kamockaja dy inš.
Pieśni «Prostyja słovy», «Kraj ty, moj kraj», «Kantrabandyst», «Palaŭničy, ty moj, palaŭničy» stali ahulnaviadomymi.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary