Aŭtary prajekta Petitions.by raskazali, na jakija pietycyi horš za ŭsio reahujuć biełaruskija čynoŭniki
Horš za ŭsio čynoŭniki reahujuć na pietycyi, jakija ŭsprymajuć jak palityčnyja, i na zapyty ab davańni infarmacyi, paviedamiŭ žurnalistam 1 śniežnia ŭ Minsku kiraŭnik veb-płatformy «Zručny horad» (petitions.by) Uładzimir Kavałkin, padvodziačy vyniki hoda pracy.
«Zručny horad» — heta niekamiercyjnaja veb-płatforma, dzie biełarusy stvarajuć i źbirajuć podpisy pad zvarotami ŭ dziaržorhany i arhanizacyi. Hałoŭnyja mety prajekta — zaachvocić hramadzian da ŭdziełu ŭ vyrašeńni miascovych prablem, pavysić padspravazdačnaść miascovych orhanaŭ ułady i spryjać raźvićciu adkrytaha dyjałohu pamiž hramadzianami i pradstaŭnikami ŭłady na miascovym uzroŭni.
Pa vynikach hoda pracy płatformy vyśvietliłasia, što najlepš sa zvarotami pracujuć staličnaja DAI i administracyi rajonaŭ horada ŭ častcy vyrašeńnia pytańniaŭ ŽKH, paviedamiŭ Kavałkin.
Pavodle jaho słoŭ, mierkavany palityčny padtekst i finansavaja spravazdačnaść — dźvie samyja chvoryja temy dla biełaruskich čynoŭnikaŭ, na takija zapyty jany adkazvajuć horš za ŭsio.
«Čaściej jak palityčnyja ŭsprymajucca pytańni, źviazanyja ź bieł-čyrvona-biełym ściaham, simvolikaj «Pahonia», z achovaj historyka-kulturnych kaštoŭnaściaŭ, — skazaŭ jon. — Nie lubiać čynoŭniki adkazvać na zapyty ab davańni kaštarysaŭ, danych ab vydatkach biudžetu, spravazdač pa jakich-niebudź mierapryjemstvach i vielmi chvaravita ich ŭsprymajuć».
Dola pietycyj, pakinutych biez adkazu, moža dasiahać 30%. Ź ich 20-25% — čaściej za ŭsio heta techničny zboj elektronnaj sistemy dastaŭki lista, kali pietycyja hublajecca pa šlachu. I tolki niaznačnaja častka vypadkaŭ — heta naŭmysnaje niežadańnie vyrašać pytańnie, skazaŭ Kavałkin. Tut, adznačyŭ jon, čynoŭniku bolš vyhadna adpisacca, inakš u vypadku adsutnaści adkazu jon atrymaje spahnańnie za parušeńnie norm zakanadaŭstva.
Kiraŭnik «Zručnaha horada» dadaŭ, što ŭ nastupnym hodzie na petitions.by ź`iavicca rejtynh adkazaŭ orhanaŭ ułady. U pryvatnaści, na sajcie ź`iavicca škała vynikovaści adkazaŭ, ich apieratyŭnaści, formy i źmiastoŭnaści. Taksama ź`iavicca rejtynh dziaržorhanaŭ, i ludzi zmohuć sami vyrašać, jaki adkaz ich zadavalniaje bolš, a jaki mienš. Na padstavie adznak budzie stvorany rejtynh lepšych i horšych ministerstvaŭ i viedamstvaŭ u płanie pracy sa zvarotami hramadzian.
Ciapier čytajuć
Aryštavali byłoha pamočnika Michaiła Miaśnikoviča8
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary